Түмэл уһулуу үлэтин саҕалаата

Видеомемуар бырайыак чэрчитинэн Былатыан Ойуунускай аатынан Саха тыйаатырыгар “Көмүс көлүөнэ” артыыстарын уһулуу үлэтэ салҕанар. Бары билэргит курдук Михаил Щепкин аатынан тыйаатыр үрдүкү училищетын үһүс устуудьуйата үөрэҕи бүтэрбиттэрэ 50 сылларын бэлиэтиир өрөгөйдөөх сыллара. Кырдьыга даҕаны, артыыстары кытары атах тэпсэн олорон кэпсэтэн, кинилэр сэргэх кэпсээннэрин сэҥээрэ истэн, саҥарар саҥатын, этэр тылын сүөгэйин-сүмэтин иҥэринэн, өлбөөдүйбэт, сүппэт үйэлиир, харайар биһиги сүрүн сыалбыт буолар. Санатан эттэххэ “Көмүс көлүөнэ” быыстапка арыллыытыгар Анатолий Николаев кэлэн Арктикатааҕы ускуустуба уонна култуура устудьуоннарын кытары көрсүһэн, кини кэпсээнин сэһэргии истэн бу бырайыагынан уһуллан, үйэтититиллэн барбыттара.