Сунтаартан төрүттээх олоҥхоҕо уһуйааччы Никандр Прокопьевич Тимофеев көҕүлээһининэн Саха сирин норуоттарын музыкатын уонна фольклорун түмэлэ «Өбүгэ үгэһинэн олоҥхолоо» диэн бырайыагын Олоҥхо декадатыгар үлэтин саҕалаата.
Бу бырайыак чэрчитинэн өбүгэ олоҥхоһуттар суруйтаран хаалларбыт айымньыларын эдэр олоҥхоһуттар толоруохтара.
Ол курдук, бүгүн Нам олоҥхоһута Прокопий Прокопьевич Ядрихинскай-Бэдьээлэ «Дьырыбына Дьырылыатта Кыыс бухатыыр” диэн олоҥхотун эдэр олоҥхоһут Яна Петровна Нюргусова толордо.