Төрөөбүт тыл уонна сурук-бичик күнүгэр,

Саха сиригэр Үлэ сылыгар анаммыт

Өрөспүүбүлүкэтээҕи оскуола саастаах оҕолорго кэтэхтэн ыытыллар

“БИЛИИ – 2023”

олимпиада балаһыанньата

Тэрийээччилэр:  Саха Өрөспүүбүлүкэтин духуобунай сайдыыга уонна культураҕа министиэристибэтэ, Саха сирин норуоттарын музыкатын уонна фольклорун музейа.

Олимпиада сыала: Оҕону төрөөбүт уус-уран тылынан айымньытын, литературатын, историятын, искусство араас көрүҥэр, наука уонна технология билимнэригэр билиитин тургутуу нөҥүө чиҥэтии, кэҥэтии.

Соруктара:

1. Оҕо ааҕарын, үѳрэтэрин, ис кыаҕын толору арыйан туһанарын кѳҕүлээһин;
2. Сахалыы тобуллагас толкуйа, анаарыыта сайдарыгар, санаабытын сайа этэр кыаҕын толору туһанарыгар  олук ууруу;
3. Оҕо киэҥ билиилээх-көрүүлээх буоларын ситиһии.

Кыттааччылар: Олимпиадаҕа өрөспүүбүлүкэ оскуолаларын 1-11 кылаас үөрэнээччилэрэ.

Кыттааччылары саастарынан бөлөххө араарыы:

1 бөлөх: 1-4  кылаас үөрэнээччилэрэ;

2 бөлөх: 5-8 кылаас үөрэнээччилэрэ;

3 бөлөх: 9-11 кылаас үөрэнээччилэрэ.

 Кыттыы бэрээдэгэ:

1. Кыттааччылар сайаапка (Приложение1) бланканы толорон ыытаҕыт, толоруу ирдэбилин аллараа көрөҕүт;
2. Сайаапканы sakha_olimpiada@mail.ru электроннай аадырыска олунньу ый 6 күнүттэн-22 күнүгэр диэри ыытаҕыт;
3. Кыттааччылар 100 солк. тэрийэр усунуос төлүүгүт. Мобильнай банк номера: 8962-739-2505 (Громова Ольга Николаевна). Кыттааччы аатын-суолун ыйаргыт булгуччулаах;
4. Олимпиада сорудаҕа олунньу ый 27 күнүгэр 11:00 чаастан https://folkmuseumyakutia.ru   cайтка тахсар;
5. Кыттааччы олимпиада сорудаҕар эппиэттэрин  олунньу ый  28 күнүгэр 18:00 ч. диэри  толорон sakha_olimpiada@mail.ru электроннай аадырыска ыытар;
6. Кулун тутар ый 1-2 күннэригэр дьүүллүүр сүбэ үлэлэри көрөр;
7. Кулун тутар ый 3 күнүгэр олимпиада түмүгэ  https://folkmuseumyakutia.ru сайтка тахсар;
8. Кыайыылаахтар дипломунан, грамотанан наҕараадаланаллар, хас биирдии кыттааччыга туоһу сурук (сертификат) туттарыллар.

САЙААПКА ХАЛЫЫБА:

1. Кыттааччы толору аата-суола.
2. Кыттааччы үөрэнэр оскуолата, кылааһа
3. Салайааччы (кылаас салайааччыта, эбэтэр төрөппүтэ), төлөпүөнүн нүөмэрэ, электроннай аадырыһа.

Билсэр   төлөпүөҥҥүт: 8(4112) 35-38-84, 8962-739-2505
sakha_olimpiada@mail.ru

Дьокуускай куорат, Киров уул.31 (3 этээс)