Быйылгы Олонхо Декадатыгар Саха сирин норуоттарын музыкатын уонна фольклорун түмэлэ Сунтаартан төрүттээх олоҥхоҕо уһуйааччы Никандр Прокопьевич Тимофеев көҕүлээһининэн «Өбүгэ үгэһинэн олоҥхолоо» диэн бырайыагын саҕалаата. Бырайыак сүрүн сыалынан  эдэр толорооччулар өбүгэ олоҥхоһуттар суруттаран хаалларбыт айымньыларын олоҥхолуулларын устан музей фондатыгар киириитэ буолар.

Ол курдук, Декада кэмигэр Яна Нюргусова Нам олоҥхоһута  П.П.Ядрихинскай-Бэдьээлэ «Дьырыбына Дьырылыатта Кыыс бухатыыр», Наталья Эконова А.П. Амвросьев «Көҕөн кус уола Күн Ньюргун» диэн олоҥхолору толордулар.