Күндү Дьокуускай куорат олохтоохторо уонна ыалдьыттара!
Балаҕан ыйын 10 күнүгэр, күнүс 13 :00 ч. Кулаковскай аатынан култуура киинин аттыгар баар Карл Маркс аатынан сквергэ, «Ырыа ыллыгар» «Өйдөбүнньүк ыскамыайалар» — үтүө ааттары үйэтитэр тэрээһиҥҥэ кэлэн кыттыыны ыларгытыгар ыҥырабыт!

Быйылгы тэрээһиммитигэр Саха Өрөспүүбүлүкэтин культуратын үтүөлээх үлэһитигэр, бука бары ахтар-саныыр ырыалардаах «Чороон» ансаамбыл биир бастакы салайааччытыгар, ырыаhытыгар Владимир Мохначевскайга уонна Саха Өрөспүүбүлүкэтин культуратын туйгунугар, Сахатын сирин туһунан элбэх истиҥ-иһирэх ырыалары айан ыллаабыт Ангелина Файрушинаҕа анаан туруоруллуохтара.

Кыттыыны ылаллар :
Доҕотторо бэйиэттэр Уххан, Омук Уола, Куорсуннаах уонна ырыаһыт доҕотторо, СӨ норуодунай артыыһа Владимир Заболоцкай, СӨ үтүөлээх артыыһа Валентина Чиркова, СӨ үтүөлээх артыыһа Анастасия Готовцева, СР культуратын үтүөлээх үлэһитэ Людмила Спиридонова, СӨ культуратын туйгуннара Эрчим, Алексей Потапов, Бүөккэ Бөтүрүөп, Николай Прокопьев, Ирена, Розалина Файрушиналар уо. д. а.

Ыытааччы СӨ культуратын туйгуна Мария Герасимова.

Тэрээһиҥҥэ бииргэ алтыспыт айар куттаах доҕотторо ыллаан, ахтан кыттыыны ылыахтара.
Кэлэн Үтүө түгэҥҥэ кыттыс, ааспыт кэрэ түгэннэри үйэтитис!
Тэрийэр хамыыһыйа, аймахтара, Дьокуускай куорат Строительнай округ саламтата.