Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Алгыстаах Амма сиригэр Олоҥхо ыһыаҕа
    24 июня 2024

    Бэс ыйын 20-21 күннэригэр XVII төгүлүн ыытыллар Олоҥхо ыһыаҕар алгыстаах Амма сиригэр биһиги түмэлбититтэн Алевтина Николаева  дьүүллүүр сүбэ бэрэссэдээтэлинэн үлэлэстэ.

    Ол курдук күрэх туһунан кини тус санаата:

    “Арассыыйа  уонна Саха Сирин үтүөлээх артыыһа, режиссера Федот Федотович Потапов бирииһигэр ыытыллыбыт «Олоҥхо персонажтарын ырыата-тойуга» быйылгы ыһыахха биир чаҕылхай көрүҥ быһыытынан киирэн дьон болҕомтотун тарта. Олоҥхо дьоруойун толорооччу бэйэтин куолаһыгар сөп түбэһиннэрэн, ураты тыыннаан, таҥаһын-сабын табан, хамсанар хамсаныытын дьүөрэлээн  көрөөччү иннигэр арыйыыта сүрдээҕин диэн уратытык киирдэ.

    Онон дьүүллүүр сүбэ ардыгар үөрэн, ардыгар соһуйан, ырыалара-тойуктара маанытыттан сөҕө-махтайа көрдүбүт.

    Инникитин да маннык олохтоох дьон аатын үйэтититэн олоҥхо персонажтарын ырыата-тойуга бар дьоммут ортотугар дуораһыйа, тарҕана, туспа көрүҥ быһыытынан киирэ турарыгар баҕарабын”.



    Author of the theme: Tonyc - freelance.ru/users/tonyc