Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Амма улууһугар икки күннээх «Олоҥхо ыһыаҕа Аммаҕа: эпос, утум салҕаныыта, сайдар саҕахтар» XIV Өрөспүүбүлүкэтээҕи кэмпириэнсийэ буолла.
    25 марта 2024

    Амма улууһугар икки күннээх «Олоҥхо ыһыаҕа Аммаҕа: эпос, утум салҕаныыта, сайдар саҕахтар» XIV Өрөспүүбүлүкэтээҕи кэмпириэнсийэ буолла. Сахабыт сирин араас улуустарыттан 200 тахса кыттааччы бииртэн биир интэриэһинэй, сонун тиэмэлэрдээх үлэлэрин билиһиннэрдилэр.
    Ол курдук «Саха сирин норуоттарын эпостарын чинчийии, ырытыы тутаах боппуруостара», «Олоҥхону оҕо анаарыыта», «Ыһыах суолтата. Ыһыаҕы тэрийии уратылара: өрөспүүбүлүкэ, улуус, нэһилиэк, үөрэх тэрилтэлэрин таһыма», «Оһуокай үгэстэрин, түөлбэнэн уратыларын үөрэтии, тарҕатыы», «Кыраайы үөрэтиигэ аныгы кэмҥэ турар тутаах соруктар», «Өбүгэ ооньууларын тарҕатыыга үлэ ньымалара», «Саха сиригэр тимиринэн уһаныы:түҥ былыргыттан бүгүҥҥүгэ», «Олоҥхоттон олохтоох саха ырыатын сайдар саҕахтара», «Сахалыы эмтэнии үгэстэрэ» уо.д.а хайысхаларынан улэ ыытылынна.
    Түмэлбит дириэктэрэ Корнилова Мария Ильинична «Олоҥхоттон олохтоох саха ырыатын сайдар саҕахтара» диэн 13 олукка мадараатарынан улэлээтэ, онтон методистарбыт Попова Сайаана «Эрилик Эристиин “Буура Дохсун” уонна “Айыы Дьөһүөл” олоҥхолорун тэҥнэбиллэрин наардаан, электроннай кинигэ оҥоруу», Николаева Алевтина «Оҕо ырыа-тойук эйгэтигэр» диэн үлэлэринэн кыттыннылар.
    Ону таһынан кэмпириэнсийэ ыалдьыттарыгар анаан уһуйар, уопут атастаһар үөрэхтэр, араас көрүҥҥэ маастар кылаастар, төгүрүк остуоллар тэрилиннилэр. Онон айыыһыт алҕаабыт алгыстаах Амма ытык сирин бар дьонугар барга махталбытын тиэрдэбит.




    Author of the theme: Tonyc - freelance.ru/users/tonyc