Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Бүгүн Саха сирин норуоттарын муусукатын уонна фольклорун түмэлигэр Варвара Степанова – Арчыына «Алгыстаах дорҕоон» диэн цифровой альбомун киэҥ эйгэҕэ таһаарар сүрэхтэниитэ буолла.
    12 апреля 2024

    Бүгүн Саха сирин норуоттарын муусукатын уонна фольклорун түмэлигэр Варвара Степанова – Арчыына «Алгыстаах дорҕоон» диэн цифровой альбомун киэҥ эйгэҕэ таһаарар сүрэхтэниитэ буолла.
    Бу тэрээһиҥнэ эҕэрдэ эриэккэһин түмэл дириэктэрэ Мария Корнилова, Аан дойду виртуоз хомусчута Спиридон Шишигин, Мэҥэ-Хаҥалас улууһуттан Г.Г.Колесова аатынан «Олоҥхо» дьиэтин дириэктэрэ Евдокия Иванова, ону таһынан аймах дьоно-сэргэтэ, уһуйар оҕолоро, бииргэ үлэлиир коллегалара баҕа санаа бастыҥын эттилэр. Маны тэҥэ, Санкт-Петербург куораттан “Увидеть море” киинэ устуудьуйатын продюсера Мила Кудряшова, “Балт мюзик” компания продюсера Олег Грабко куйаар ситимин нөҥүө эҕэрдэлэрин тиэртилэр.
    Арчыынаҕа ис сүрэхтэн истиҥ тыллардаах эҕэрдэбитин тиэрдэбит! Туппуккут тупсан, ылсыбыккыт ыпсан истин, айар үлэҕит, үрдэ суох үксүү-сайда турдун, алгыстаах ырыаҕыт дьоҥҥо-сэргэҕэ тиийимтиэ буоллун, үөрүү-көтүү үктэллэнин, дьол-соргу арыалланын, ыра-санаа кынаттанан өссө үрдүк ситиһиилэнин!
    “Алгыстаах дорҕоон” диэн цифровой альбому бу куйаар ситимигэр киирэн истиҥ-сэргээн, сэҥээриҥ!



    Author of the theme: Tonyc - freelance.ru/users/tonyc