Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Үрүмэччи маҥан аттаах ырыаһыт
    8 февраля 2024

    Бүгүн биһиги түмэлбитигэр Бүлүү Тылгыны нэһилиэгиттэн учуутал идэлээх Светлана Сметанина-Мосова ырыа айааччы, самодеятельнай композитор Серафим Павлов ханна да тиһиллэн киирбэтэх ырыаларын аҕалан туттарда.

    Серафим Филиппович Павлов Хаҥалас улууһун Эргис нэһилиэгэр 1929 сыллаахха төрөөбүтэ. Айылҕаттан ырыа дьоҕурдаах буолан, 1945 с. республикатааҕы радиокомитет хоругар артыыһынан киирбитэ. Манна саха хоровай искусствота сайдыытыгар улахан өҥөлөөх искусство деятеллэрэ М.А.Жиркову, И.Г.Полищугу, Г.М.Кривошапконы кытта алтыһан үлэлээбитэ
    киниэхэ мелодист буоларыгар улаханнык көмөлөспүтэ. Кини 1966 сыллаахха «Сааскы ырыалар» диэн бастакы ырыаларын хомуурунньугун таһаарбыта.  Кини барыта 300-тэн тахса ырыаны суруйбута. Норуокка киэҥник тар5аммыт  ырыалара:  Күннүк Уурастыырап тылларыгар «Үрүмэччи маҥан ат», К. Туйаарыскай тылларыгар «Бүтэйдээх», Р. Баҕатаайыскай тылларыгар «Төрөөбүт дойдубар тапталым», С. Тимофеев тылларыгар «Хайаларын таптыыбын?», И. Петров тылларыгар «Ньидьили», В. Башарин тылларыгар «Хоту дойду кыыһа», И. Иванов тылларыгар «Бука бары окко» уонна Л. Попов тылларыгар «Тус хоту үөскээбит буоламмын». 

     



    Author of the theme: Tonyc - freelance.ru/users/tonyc