Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Брайл шрифтынан кинигэ сүрэхтэннэ
    23 ноября 2022

              Сэтинньи 23 күнүгэр Саха сирин норуоттарын музыкатын уонна фольклорун түмэлэ уонна Өрөспүүбүлүкэтээҕи көрбөттөр анал бибилэтиэкэлэрэ саха олоҥхотун сөргүтүүгэ уонна үйэтитиигэ  сүҥкэн кылааты киллэрбит артыыс, суруйааччы, РСФСР уонна Саха АССР норуодунай артыыһа, Былатыан Ойуунускай аатынан СӨ судаарыстыбаннай наҕараада лауреата  Гавриил Гаврильевич Колесов төрөөбүтэ 90 үбүлүөйдээх сылын чэрчитинэн ыытыллар тэрээһиннэртэн Олоҥхо Декадатын республиканскай барылыгар киирбит  “Саха омук саарына Гавриил Колесов” диэн ааттаах комбинированнай кинигэ Брайл шрибыгар таҥыллан тахсыбытын тула бэрт сэргэх сэһэргэһии буолла. 

     Бу күн айылҕаттан ураты айдарыылаах, чаҕылхай талааннаах Гавриил Колесов сахалыы ырыа-тойук, кылыһах, олоҥхо туһунан бүччүм санааларын  түмэл методиһа Варвара Валерьевна Обоюкова билиһиннэрдэ. Санатан эттэххэ, Варвара  Обоюкова быйыл Н.А. Римскай-Корсаков аатынан Санкт-Петербурдааҕы государственнай консерваторияҕа ыытыллыбыт Аан дойдутааҕы “Народная музыка сквозь века и границы” научнай-практическай конференция «Создание общедоступных ресурсов (программ, медиапродуктов, изданий)  по нематериальному культурному наследию народов России»  төгүрүк остуолугар бу кинигэни  билиһиннэрбитэ.

    Кинигэ тула кэпсэтиигэ кыттыбыт ааҕааччылар: «Үгүстэрбит дьиэҕэ олорор дьон буолан бүгүҥҥү тэрээһиҥҥэ наһаа сэргэхсийэн, астынан-дуоһуйан, түмүгэр оһуохайдаан  сүрдээҕин астынныбыт. Биһиги оҕо сааспытыгар  истибит-көрбүт сүдү улахан киһибит, олоҥхону киэҥ араҥаҕа таһаарбыт Гавриил Колесов саҥатын истэммит олуһун астынныбыт. Республика үрдүнэн  хараҕынан хааччахтаах дьон бэйэтэ тутан-хабан көрөр-истэр, ааҕар кинигэ оҥоһуллубутуттан олус үөрдүбүт, билигин илииттэн-илиигэ былдьаһыкка сылдьар кинигэ буолар. Маны сэргэ, бу тэрээһин биир бэлиэ түгэнинэн  олоҥхону толорооччу Валентин Гаврильевич Исаков ахтыыта, республика бастыҥ оһуокайдьыта » Дарханнар Дарханнара» Сунтаар улууһун, Түбэй н. Михаил Михайлович Евсеев — Кураһаай  тойуга, олоҥхото көрсүһүүнү киэргэттилэр. Бүлүү улууһун фольклорун үйэтитээччи В.О. Каратаев аат. народнай коллектив салайааччыта Светлана Тарасовна Иванова кэлэн тэрээһин таһымын көтөхтө. Инникитин өссө да маннык көрсүһүүлэр буоллаларыгар баҕаран тураммыт сүҥкэннээх үлэни ыыта сылдьар, дьонно-сэргэҕэ тарҕатар, үйэтитии курдук күүстээх үлэҕэ бары өттүнэн хоннохтоохтук ылсан үлэлиир  Колесов үөрэнээччитигэр Варвара Валерьевнаҕа улахан махталбытын тиэрдэбит» — диэн санааларын үллэһиннилэр. Бу тэрээһини тэрийсибит Өрөспүүбүлүкэтээҕи көрбөттөр библиотекаларын үлэһиттэригэр Ульяна Петровна Чичигинароваҕа, комбинированнай кинигэ тахсарыгар үлэлэспит Гаврил Анатольевич Максимовка, Евгения Артуровна Потаповаҕа, Сахаайа Дмитриевна Даниловаҕа махталбытын биллэрэбит. 



    Author of the theme: Tonyc - freelance.ru/users/tonyc