Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Быыстапка арыллынна
    17 ноября 2023

    Сэтинньи ый 8 күнүгэр Саха сирин норуоттарын музыкатын уонна фольклорун түмэлигэр «Таастаах Дьааҥым абылаҥар уйдаран» диэн Саха Өрөспүүлүкэтин уус-уран оҥоһуктарын маастара Елизавета Елисеевна Потапова анал быыстапкатын арыллыытын дьоро киэһэтэ буолла. Кини талааннара кырыылаах алмаас таас тэҥэ: иистэнньэҥ, булчут, хаартыскаҕа түһэрээччи, спорт көрүҥнэринэн утумнаахтык дьарыктанааччы, хоһоон айааччы буолар. Ол курдук, быыстапкаҕа маастар тикпит таҥастара эрэ буолбакка, араас мастан, муостан оҥоһуктара, түһэрбит хаартыскалара, айбыт хоһоонноро саалабытын киэргэттилэр. Бу дьоро күн Елизавета Елисеевнаны СӨ аҕыйах ахсааннаах хотугу норуоттар ассоциацияларын аатыттан Любовь Викторовна Христофорова, Дьааҥы оройуонун түмсүүтүн бэрэссэдээтэлэ Ольга Борисовна Прудецкая, «Симэх» национальнай киинин методиһа Анастасия Еремеевна Куличкина, маастардар түмсүүлэрэ, биир дойдулаахтара, бииргэ үлэлиир тэрилтэтэ уонна чугас дьоно-сэргэтэ эҕэрдэ тыл эгэлгэтин эттилэр.
    «Таастаах Дьааҥым абылаҥар уйдаран» быыстапка сэтинньи ый 13-30 күннэригэр дылы туруоҕа. Киирии билиэт: 100 солк.
    Аадырыспыт: Киров уулуссатын 31№-дээх дьиэтэ.



    Author of the theme: Tonyc - freelance.ru/users/tonyc