Олоҥхо — саха омук былыргы дьыллар быыстарыттан сырдык уонна хараҥа, айыы уонна абааһы аймахтара утарыта турууларын  туһунан уостан уоска бэриллэн кэлбит уус-уран айымньыта. Олоҥхо киһи өркөн өйүн, күүһүн күдэҕин кыаҕынан айыы аймаҕын күөмчүттэн көмүскүүр үрдүк аналын хоһуйар. Олоҥхону киэҥ араҥаҕа тарҕатар, үйэтитэр соруктаах тэрээһиннэр чэрчилэринэн  Саха сирин норуоттарын муусукатын уонна фольклор түмэлэ Дьокуускай куорат уһуйааннарыгар уонна оскуолаларыгар  Былатыан Ойуунускай “Дьулуруйар Ньургун Боотур” диэн ойулук олоҥхону көрдөрөн саҕалаата.

Оҕолор ойулугу көрөннөр олоҥхо ис хоһоонун, дьоруойдарын ааттарын кытары билсэллэр. Ойулугу көрөргө сайаапканы. +79659935781 (Попова С.А) нүөмэргэ суруттарыаххытын сөп.