Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • «Дьулуруйар Ньургун Боотур» олоҥхо оҕолорго
    24 ноября 2022

    «Бүгүн биһиги Дьокуускай куорат 25 №-дээх оскуолатын 1 «в» кылааһа экскурсиялыы кэллибит. Ол курдук, 25 оскуолаҕа саха кылааһа арыллыбыта алтыс сыла буолла. Оҕолору төрөөбүт тылларынан саҥарарга, суруйарга элбэх үлэни ыытабыт.  1 кылаас оҕолоругар олоҥхону  уруһуй нөҥүө билиһиннэрэрбин: хараҕынан көрүү, кулгааҕынан истии курдук барар. Онон бастакы үлэбитинэн биһиги билигин олоҥхо тематыгар уруһуйдуохтаахпыт. Ол сыалтан-соруктан олоҥхо диэн тугун билээри бу Саха сирин норуоттарын музыкатын уонна фольклорун музейыгар кэллибит. Бүгүн аан бастаан олоҥхо, үс дойду туһунан көрөн, элбэх билиини ылан барыахтаахпыт. Сэргиирим диэн бу музейга бэйэм элбэхтэ оҕолору аҕалбыт буолан оҕолорго сүрдээх интэриэһинэй экскурсиялары ыыталлар, манна музыкальнай инструменнары оҕолорго туттаран-хаптаран көрдөрөллөрө наһаа үчүгэй дии саныыбын, ону таһынан музей үлэһиттэрэ тэрийэр Өбүгэ оонньууларын сүрдээҕин сэҥээрээччибит.

    Бугун үөрэнээччилэрим «Дьулуруйар Ньургун Боотур» мультигы олус диэн биһирээн көрдүлэр.  Онон эһиилги сылга сыыйа-баайа олоҥхо тылыгар киирэрбитигэр төһүү күүс буолуоҕа. Оҕолор бэйэлэрин билиһиннэрэн Кыыс Куо уонна Уолан буолан олоҥхоҕо холонон көрүөхтээхтэр. 

    Музей коллективыгар улахан махталбытын тиэрдэбит, музейгыт байа-тайа, кэҥии турдун!» — диэн кылаас салайааччыта Любовь Юрьевна Максимова музей үлэһиттэригэр махтанна. 



    Author of the theme: Tonyc - freelance.ru/users/tonyc