Олоҥхо декадатын чэрчитинэн, Саха сирин норуоттарын музыкатын уонна фольклорун түмэлигэр сэтинньи ый 30 күнүттэн саҕалаан «Дьулуруйар Ньургун Боотур» олоҥхо умсулҕана – удьурҕайга…» диэн Дьячковскай Валерий Моисеевич – Сиэн Харах анал быыстапката турда.

Валерий Моисеевич 1955 с. балаҕан ыйын 29 күнүгэр Мыытаахха күн сирин көрбүтэ. Кини Саха Өрөспүүбүлүкэтин автомобильнай транспорын үтүөлээх үлэһитэ, Горнай улууһун бочуоттаах олохтооҕо, «Горнай улууһун сайыннарыытын иһин» бочуоттах знак хаһаайына.
2017 сылтан саҕалаан, удьурҕайтан, мутуктан уонна силистэн мас оҥоһуктары кыһан үрдүк ситииһиилэрдээх: ХХ-с Манчаары оонньууларыгар «Талаан тыллар туоната» күрэскэ Гран-При буолбута (2017 с.); III регионнар икки ардыларынааҕы «Традиции и современность в искусстве народных художественных промыслов и ремесел Крайнего Севера, Дальнего Востока и Сибири» быыстапка-дьаарбаҥка кыайыылааҕа (2017 с.); «Олоҥхо алыптаах эйгэтин кэҥэтэн» улуустааҕы научнай-практическай конференцияҕа «Бастыҥ уус-уран оҥоһук» номинация хаһаайына; IV норуоттар икки ардыларынааҕы «Сохраняем традиции» Санкт-Петербург куоракка ыытыллыбыт фольклор фестивалын кыттыылааҕа уонна да атын күрэстэргэ үрдүк ситиһиилэрдээх. Валерий Моисеевич араас кэмнэргэ уопсайа 9 анал быыстапката буолбута.
«Дьулуруйар Ньургун Боотур» олоҥхо умсулҕана – удьурҕайга» — диэн, олоҥхо баай байҕалыгар олоҕуран оҥоһуллубут 78 уобарастан турар ураты композицияны кэлэн кэрэхсииргитигэр ыҥырабыт.

Быыстапка сэтинньи ый 30 күнүттэн ахсынньы 9 ый күнүгэр диэри туруоҕа.
Киирии билиэт сыаната: 100 солк.
Аадырыспыт: Дьокуускай к., Киров уул. 31 №-дээх дьиэтэ (3 этээс)
Б.т. 35-38-84
Үлэлиир бириэмэбит: Бэнидиэнньик – суббуота күн 10:00 ч. – 18:00ч.
Эбиэт: 13:00-14:00 ч.
Быыстапкаҕа киирээччи сааһа: 7+

#музеймузыкиифольклоранародовЯкутии #ммфня #выставки_ммфня

https://www.instagram.com/tv/CINEsXMFgAV/?utm_source=ig_web_copy_link