Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • «Иис умсулҕана» Федосия Григорьева анал быыстапката арылынна.
    26 декабря 2023

    Бүгүн о.э ахсынньы 26 күнүгэр биһиги түмэлбитигэр “Иис умсулҕана”-диэн үрдүкү категориялаах маастар уһуйааччы, СӨ уус-уран оҥоһуктарын маастара, Аан дойду худуоһунньуктарын Сойууһун чилиэнэ, Бүлүү улууһун Лөкөчөөн нэһилиэгин бочуоттаах олохтооҕо Федосия Афанасьевна Григорьева анал быыстапката арылынна.

    Быыстапкаҕа турбут сиэлинэн суумкалары, хаһыаччыктары, сапсыакалары, араас моһуоннаах көбүөрдэри, сэлээппэлэри, дьөһөгөйгө аналлаах паннону, кыбытыы тигии арааһын, XVII үйэ сөргүтүллүбүт таҥастары, туостан оҥоһуктары кэлбит ыалдьыттар сэргии, сөҕө, махтайа көрдүлэр. Бу күн итии-истиҥ иһирэх тылынан эҕэрдэлээтилэр: Түмэл дириэктэрэ Мария Ильинична Корнилова, Симэх киинин уус-уран оҥоһуктарын отделын сэбиэдиссэйэ Дмитрий Константинович Осипов, Норуот маастара, Арассыыйа худуоһунньуктарын союһун чилиэнэ Анна Николаевна Зверева, СӨ культуратын туйгуна “Сөргүтүү” түмсүү салайааччыта Азияна Филипповна Харлампьева, СӨ бэчээтин, тыа хаһаайыстыбатын  туйгуна, СӨ суруналыыстарын сойууһун чилиэнэ, Ил Түмэн хаһыат обозревателя  Раиса Спиридоновна Сибирякова, аймах-билэ дьоно Петр Семенович Григорьев кини кэргэнэ Валентина Николаевна, урбаанньыт Лидия Спиридоновна Ксенофонтова уонна СӨ культуратын туйгуна, кумааҕынан кырыйыыны Аан дойду таһымыгар таһаарбыт, алгысчыт Тайаана Афанасьевна  Никифорова. 

    Күнэ-дьыла: 2023 с. ахсынньы ый  26 күнүттэн 2024 с.тохсунньу 20 күнүгэр диэри.

    Буолар сирэ: Киров уул., 31 дьиэтэ, 3 этээс

    Билиэт сыаната: 100 солк.

    Билсэр нүөмэргит: 35-38-84



    Author of the theme: Tonyc - freelance.ru/users/tonyc