«Күһүҥҥү көмүс оҕуруо»

СӨ уус-уран оҥоһуктарын маастара Антонина Николаевна Петрова

анал быыстапката

Дьокуускай куорат олохтоохторун уонна ыалдьыттарын Саха сирин норуоттарын музыкатын уонна фольклорун түмэлэ, ону тэҥэ Хотугу норуоттар төрүт таҥастарын «Сирэктэ» лабораторията СӨ уус-уран оҥоһуктарын маастара Антонина Николаевна Петрова «Күһүҥҥү көмүс оҕуруо» анал быыстапкатыгар ыҥырабыт.

Антонина Николаевна Анаабыр улууһун Сааскылаах нэһилиэгин олохтооҕо. 1995 с. иис кэрэ эйгэтигэр иитиллэн тахсан күн бүгүҥҥү дылы ыһыктыбакка илдьэ сылдьар. Ол курдук араас үрдүк таһымнаах Норуоттар икки ардыларынааҕы, Бүтүн Арассыыйатааҕы, Өрөспүүбүлүкэтээҕи бэстибээллэр, күрэхтэр кыайыылааҕа буолар. 

«Күһүҥҥү көмүс оҕуруо»  быыстапкаҕа долган норуотун дьахтар уонна эр киһи сонноро, бэргэһэтэ, үтүлүгэ, этэрбэһэ, ону тэҥэ араас өҥнөөх оҕуруонан киэргэтиллибит бастыҥалар, киэргэллэр турдулар.

Антонина Николаевна: «Долган норуотун сиэрэ-майгыта, культурата сүппэтин туһугар, хоту дойду кэрэ, дьикти көстүүлэрин барытын иис нөҥүө көрөөччүлэрбэр тиэрдэбин. Омугум быстыбат ситимнэннин диэн, барытын оҕуруолуу тиһэммин, таҥаска-сапка иҥэрэммин уһун үйэлэнэригэр, бар дьоммор тарҕата, эһиги дьүүлгүтүгэр таһаарабын».

Күнэ-дьыла: алтынньы 6-27 күннэригэр

Буолар сирэ: Киров уул., 31 дьиэтэ, 3 этээс

Билиэт сыаната: 100 солк.

Билсэр нүөмэргит: 35-38-84