Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • «Кэрэҕэ кынаттыыр «Кэнчээри» виртуальнай быыстапка
    27 марта 2020

    «Кэрэҕэ кынаттыыр «Кэнчээри» быыстапка

    Кулун тутар 27 күнүттэн саҕалаан муус устар 10 күнүгэр диэри  Саха сирин норуоттарын музыкатын уонна фольклорун музейыгар «Кэрэҕэ кынаттыыр «Кэнчээри» быыстапка турда. Быыстапка Россия Федерациятын уонна Саха Өрөспүүбүлүкэтин үтүөлээх үлэһитэ, ансаамбыл салайааччыта  Василий Степанович Парников 75-сыллаах үбүлүөйүгэр ананар.

    “Кэнчээри” оҕо ырыа, үҥкүү ансаамбыла 1972 сыллаахха Мүрү аҕыс кылаастаах оскуолатыгар төрүттэммитэ. Ону анал муусука үөрэҕэ суох, историк идэлээх учуутал Василий Степанович Парников салайбыта. Бастаан куруһуок тэрийэн,  үлэтин таһынан, туох да дьиэтэ-уота, анал хоһо да суох сылдьан, саха оҕотун академическай ньыманан ыллатыыны саҕалаабытынан барбыта.

    РФ, СахаАССР култуураларын үтүөлээх үлэһитэ, Россия Суруналыыстарын сойууһун чилиэнэ, норуот куоластааһынынан РФ, Саха сирин «Бастыҥ киһитэ» Василий Степанович саха оҕото фольклортан саҕалаан аан дойду классикатыгар тиийэ толорор дэгиттэр дьоҕурун Арассыыйаҕа, Сойууска, аан дойдуга таһааран, саха култууратын, духуобуноһын сайдыытыгар уһулуччулаах инники хардыыны оҥорбута. Ол кэмтэн ыла үрдэлтэн үрдэли дабайан, билигин, “Кэнчээри” ансаамбыл Саха сиригэр оҕолорго соҕотох Арассыыйа үтүөлээх, образцовай, саха норуодунай кэлэктиибэ буолар.

    Салайааччы Василий Парников элбэх энциклопедияҕа киирбитэ, кини улуус ытык киһитинэн, саҥаны киллэрээччи, айааччы, хормейстер, уус алданнар, өрөспүүбүлүкэ бүттүүнэ  чахчы иннибитигэр уктар, киэн туттар киһибит буолар.

    Василий Степанович “Кэнчээрини” салайбытын устатыгар ситиһиилэрэ үгүс: саха оҕотун академическай ырыатын олохтоон, 1979 сыллаахха Пермь куоракка буолбут бастакы Бүтүн Арассыыйатааҕы муусукаҕа бырааһынньыгар саха оҕотун хорга толоруутун Арассыыйа, Сойуус таһымыгар таһаарбыта. Онон, 1979 сыл — “Кэнчээрилэр” дойду киинигэр “суол тэлбит” сылларынан буолар. Ити сыл Бүтүн Сойуустааҕы араадьыйаҕа уһултарар; Киин тэлэбиидэнньэ ыҥырыытынан, «Веселые нотки», «Творчество юных» биэриилэргэ көрдөрөр; эмиэ ити сыл “Артек” лааҕырга, Ялтаҕа «Спутник» норуоттар икки ардыларынааҕы лааҕырга аан дойду ыччаттарыгар көрдөрөллөр; 1981, 1985 с.с. “Кэнчээри” ансаамбыл «Мелодия»  фирмаҕа грампластинкаҕа уһуллубуттара. 2009 с. өр сылларга баҕарбыт баҕатын толорон, «Дьулуруйар Ньургун Боотур» операны туруорар. Опера 2012 с. норуоттар икки ардыларынааҕы ХIII бэстибээлгэ Гран при буолар.   Василий Степанович улахан суолталаах тэрээһиннэр гимнэрин айан эмиэ сэҥээриини ылбыта. Василий Парников  «Кэнчээри» ансаамбылы салайбыта 48-с сылыгар барда. Ол тухары ансаамбылын таһымын түһэрбэккэ, айа-тута сылдьара сөхтөрөр.

    Быыстапканы интернет ситиминэн көрөргүтүгэр ыҥырабыт:

    инстаграмм-страница  museum_folk_music_yakutia  

    Музей официальнай сайта: http://folkmuseumyakutia.ru/

    Музей ютуб-канала: http://youtube.com/c/МузейМузыкииФольклора



    Author of the theme: Tonyc - freelance.ru/users/tonyc