Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • «Киристэпиэр ырыатын дьүһүлгэнэ»
    8 ноября 2023

    «Киристэпиэр ырыатын дьүһүлгэнэ»

    Сэтинньи ый 8 күнүгэр Саха сирин норуоттарын музыкатын уонна фольклорун түмэлигэр “Киристэпиэр ырыатын дьүһүлгэнэ” быыстапканы түмүктүүр дьоро киэһэ буолла. Бу быыстапканы Х.Максимов ырыаларын сэҥээрээччилэр уруһуйдара уонна сыахайдара киэргэттилэр. Тарбахтарыгар талааннар дьон бу дьыл олунньу ыйыттан сэтинньи ыйыгар диэри Сулҕаччытааҕы Х.Максимов аатын сүгэр култуура киинэ тэрийбит  күөн күрэһигэр кыттан дьон-сэргэ таптаан истэр ырыаһыта Хиристэпиэр аатын-суолун үйэтитэргэ үтүмэннээх үлэни оҥорон сүдү кылааттарын киллэрдилэр. Хас биирдии кыттааччы айар талаанын таба тутан бэйэтин көрүүтүнэн, ырыа геройдарын ис тутулун арыйан, араас матырыйааллары туттан киһи сөҕө-махтайа көрөр үлэлэрэ турдулар.

    Бу тэрээһиҥҥэ саха ырыата-тойуга сайдар суолун түстүүр Христофор Максимов фондатын бэрэссэдээтэллэрэ, уолаттара Трофим уонна Иннокентий Максимовтар кэлэн үлэлэри сэргии көрөн, эҕэрдэ тыл эгэлгэтин эттилэр.

    Дьүүллүүр сүбэҕэ үлэлээтилэр: Саха республикатын уус – уран оҥоһук маастара, Россия худуоһунньуктарын айар сойууһун чилиэнэ, СӨ кукольниктарын айар сойууһун чилиэнэ Агафья Ивановна Колесова.

    “Симэх” национальнай киин фонда уонна быыстапка отделын салайааччыта Анна Константиновна Капустина.

    СӨ култууратын үтүөлээх үлэһитэ, саха өрөспүүбүлүкэтин геолокультурнай сайдыы институтун режиссера, СӨ театр деятелин сойууһун чилиэнэ  Саргылана Саввична Адамова.

    Россия уонна СӨ худуоһунньуктарын айар сойууһун чилиэнэ, СӨ культуратын туйгуна, худуоһунньук Николай Николаевич Рязанскай.

    Түмүккэ сыахай күөн-күрэһигэр анал ааттары ыллылар:

    “Киристэпиэл харысхала” анал аат — Дьячковская Айталина Анисьевна “Мэттэкэ-Тэттэкэ”, Амма улууһа, Алтан нэһ.,

    “Ырыалыын ыллаһар” анал аат – Стручкова Айыына Васильевна “Лаанык кыыс”, Мэҥэ-Хаҥалас.,

    «Биһирэбил бириис» анал аат — Кириллина Екатерина Алексеевна «Өрүүнэ», Амма улууһа, Алтан нэһ.

    «Бэтиэхэлээх дьүһүлгэн» анал аат — Рыжкова Наталья Станиславовна «Өндөрүүскэ тиэтэйбэт», Амма улууһа, Бөтүҥ нэһ.

    «Сонун дьүһүйүү» анал аат — Сивцева Саргылана Ивановна «Өндөрүүскэ биригэдьиир», Дьокуускай куорат.

    «Күрэх арыйыыта» анал аат — Фомина Анастасия Леонидовна «Өндөрүүскэ тиэтэйбэт», Амма улууһа, Сэргэ-Бэс нэһ.

    «Дууһам кылын таарыйан» анал аат — Филиппова Ирина Николаевна «Дьарааһын», Чурапчы улууһа, Үрүҥ-Күөл нэһ.

    «Айхаллан үлэ» анал аат — Васильева Людмила Петровна «Боккуойа», Москуопскай уобалас, Королев куорат.

    Ону таһынан анал фонда бирииһин туттардылар: “Харысхал” түмсүүгэ (Амма, Сэргэ-Бэс), А.Е.Кулаковскай аатынан Дьохсоҕон орто оскуолата (Таатта улууһа, Дьохсоҕон нэһ.), Сергеева Капитолина Михайловнаҕа (Сунтаар улууһа, Сунтаар сэлиэнньэтэ).

    Уруһуй күрэҕэр анал миэстэни ыллылар:

    «Кылаан чыпчаал» — Стручкова Айыына Васильевна «Хайдах уолбут ыарыйдаҕай»(Мэҥэ-Хаҥалас).

    Анал аат «Киристэпиэл кэрэхсэлэ» — Винокурова Розалия Петровна «Учуутал убайбар» (Амма улууһа, Сулҕаччы).

    Анал аат “Ырыалыын ыллаһар” – Ефимова Марфа Ивановна “Кэтэриинэ кыыс” (Мэҥэ-Хаҥалас, Төхтүр).

    Түмэлбитин кэлэн киэргэппит, бары кыттыыны ылбыт бар дьоммутугар дириҥ махталбытын тиэрдэбит. Киристэпиэр ырыалара үйэлэргэ сүппэт-өлбөөдүйбэт үйэлэннин, дуораһыйа тарҕаннын, сайыннын!

     



    Author of the theme: Tonyc - freelance.ru/users/tonyc