Сэтинньи ый 19 күнүгэр  “Айыы Кыһата” оскуола аактабай саалатыгар композитор-мелодист , музыкант-хоровик, СӨ культуратын үтүөлээх үлэһитэ, Кэбээйи улууһун бочуоттаах олохтооҕо, Дьокуускай куорат гимнин ааптара, Саха сиригэр Ырыа күнүн түстээччи Алексей Калининскай-Луҥха Өлөксөй  “МИН  ЫРЫА  ЫЛЛЫАҔЫМ” диэн айар үлэтин 45 сылыгар аналлаах ырыа киэһэтэ буолан ааста. Биэс түһүмэхтэн турар кэнсиэргэ 30-ча ырыа ылланна. Киэһэни кэрэ куоластарынан киэргэттилэр: Айталина Адамова, Юрий Баишев, Борис Алексеев, Мария Шапошникова, Хатастааҕы “Сайдам” вокальнай ансамбль, Вячеслав Попов, “Айыы Кыһата”  оскуола хора, Николай Спиридонов,  Милена Борисова, Айталина Макарова, Захар Федоров, Альберт Унаров, “Лира” ансамбль, Феодосия Шахурдина, Михаил Санников уо.д.а. Кэнсиэр түмүгэр Луҥха Өлөксөй “Барыта үчүгэй” диэн ырыатын кэлбит дьон күргүөмүнэн толордо.

Санатан эттэххэ,бу дьыл ахсынньы ый 10 күнүгэр Саха сирин норуоттарын музыкатын уонна фольклорун түмэлигэр Алексей Кириллович айар үлэтин 45 сылыгар аналлаах Art-көрсүһүү буолаары турар.