"Көмүс көлүөнэ" быыстапка үөрүүлээх арыллыыта

Бүгүн биһиги түмэлбитигэр «Көмүс көлүөнэ» - диэн М.Щепкин аатынан тыйаатыр үрдүкү училищетын үһүс устуудьуйата үөрэҕи бүтэрбитэ 50 сылыгар аналлаах анал быыстапка үөрүүлээх арыллыыта буолла. Быыстапка арыллыытыгар Саха Өрөспүүбүлүкэтин народнай артыыһа, Арассыыйа үтүөлээх артыыһа, Саха Өрөспүүбүлүкэтин искусствотын үтүөлээх деятеля - Анатолий Павлович Николаев Арктикатааҕы култуура уонна ускуустуба театр эйгэтигэр уһуйулла сылдьар устудьуоннары кытары кэлэн сэргэх кэпсэтиини, сэһэргэһиини ыытта.

Кырдьыга даҕаны, артыыстары кытары атах тэпсэн олорон кэпсэтэр, кинилэр сэргэх кэпсээннэрин сэҥээрэ истэр, саҥарар саҥатын, этэр тылын сүөгэйин-сүмэтин иҥэринэн, кэлэр көлүөнэ талан ылбыт идэлэригэр сүрдээҕин элбэх билиини, бэйэлэригэр саҥаны, үөрэҕи ылан бардылар.

Тыйаатыр былыргы тыынын эттэригэр-хааннарыгар иҥэринэн илдьэ сылдьар чулуу дьоммут эдэр көлүөнэ артыыстарга үтүө холобуру көрдөрөллөр. Ол онно анаан биһиги түмэлбит саалатыгар кинилэргэ ытыктабылбытын, сүгүрүйүүбүтүн биллэрэн туран оонньообут оруолларын таҥастарыттан-саптарыттан таныллан бу быыстапка турда.

Быыстапка турар кэмэ: алтынньы ый 24 күнүттэн, сэтинньи 29 күнүгэр диэри.

Буолар сирэ: Киирэп уул, 31, 3 этээс.

Билсэр нүөмэргит: 35-38-84

 

Файл:  Загрузить

Дополнительные фотографии:  Загрузить / Загрузить