"Оһуор-ойуу үҥкүүтэ" быыстапка

«Оһуор-ойуу үҥкүүтэ»

СӨ норуотун маастара, СӨ үөрэҕириитин туйгуна, СӨ учууталлар учууталлара

Анна Дмитриевна Громова анал быыстапката арылынна.

Саха өрөспүүбүлүкэтигэр норуот маастарын күнүн көрсө түмэлгэ СӨ норуотун маастара, СӨ үөрэҕириитин туйгуна, СӨ учууталлар учууталлара Анна Дмитриевна Громова «Оһуор-ойуу үҥкүүтэ» анал быыстапката арылынна.

Анна Дмитриевнаны иис кэрэ эйгэтигэр уһуйбут-такайбыт, уран тарбахтарын эрчийбит киһитинэн буолар эбэтэ – Анна Алексеевна. Эбэтэ иистэнэрин көрөн, сэргээн, сэҥээрэн оҕо сааһыттан бэйэтэ кэтэр таҥаһын тиктэн саҕалаабыта.

2014 с. Хаҥалас улууһугар “Утум” түмсүү тэрийэннэр, Светлана Ивановна Петрова сүбэтинэн 1836 сыллааҕы Нөмүгү атын симэҕин сөргүтэн толору кэмпилиэгин оҥорон дьон дьүүлүгэр туруорбуттара.

2018 с. Светлана Ивановна көҕүлээһининэн Ксенофонтовтар кыргыттарын түҥ былыргы таҥастарын сөргүтэн тикпиттэрэ.

2019с. С.И.Петрова уонна П.Р.Ноговицын салалтатынан Софрон Сыраанап 300 сылыгар аналлаах Носов альбомунан "Тиллибит хартыына " диэн, 17-18 үҋэтээҕи таҥастары тигэн, айан таһаараннар “Эркээни” түмсүү араас хабааннаах күрэхтэргэ, фестивалларга, быыстапкаларга ситиһиилээхтик кыттыыны ылбыттара.

М.К.Аммосов аттынан ХИФУ "Уран Иис" үрдүкү маастарыстыба оскуолатыгар киирэн иистэнэ, уһуйулла-такайылла сылдьар.

Быыстапкаҕа турдулар: кыбытыы ньыманан тигиллибит араас моһуоннаах көбүөрдэр, XVIII үҋэтээҕи кыыс оҕо таҥаһын сөргүтүллүбүт оҥоһуга, дьахтар маанылаах таҥаһа, хаппардар, кыалыктар уо.д.а.

Анна Дмитриевна Громованы бу үөрүүлээх күнүнэн "Уран Иис" үрдүкү маастарыстыба оскуолатын салайааччытыгар - Светлана Ивановна Петрова, А.В. Дмитриев аатынан Ой орто оскуолатын коллектива, дьугас дьоно-сэргэтэ, доҕотторо-атастара, оҕолоро, сиэннэрэ итии-истиҥ иһирэх эҕэрдэлэрин анаатылар. 

"Саха сирин норуоттарын муусукатын уонна фольклорун" коллективыгар  улахан махталбын биллэрэбин. Быыстапкам аһыллыыта үрдүк таһымҥа тэриллэн, ыҥырыылаах ыалдьыттар астынан тарҕастылар. Ити барыта музей үтүмэннээх үгүөрү үлэтин түмүгэ буолар. Өссө биир үөрүүлээх түгэнинэн музейа Ой орто оскуолатын кытта бииргэ үлэлэһэн, оҕолорго быстаапка тэрийэн, араас тэрээһиннэри ыытарга сөбүлэһэн оскуола музейа сайдарыгар тирэх буолар буолла. Баҕарабын үлэҕитигэр ситиһиилэри, үрдүк таһымнаах араас быыстапкалары уонна айыҥ-тутуҥ,иннигит диэки көнө аартыктар арылла турдуннар!"-диэн Анна Дмитриевна махтал тылынан быыстапка үөрүүлээх арыллыыта түмүктэннэ.

Быыстапка буолар күнэ-дьыла: кулун тутар ый 4-24 күннэрэ

Буолар сирэ: Киров аатынан уул. 31№-дээх дьиэ (3 этээс)

Билсэр нүөмэргит: 35-38-84

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить