«Саха сирин түмэллэрин нэдиэлэтэ»

«Саха сирин түмэллэрин нэдиэлэтэ» бэстибээл чэрчитинэн А.П.Решетникова аатынан Саха сирин норуоттарын муусукатын уонна фольклорун түмэлигэр бу күннэргэ араас хабааннаах тэрээһиннэр буола тураллар. Ол курдук, бүгүн дорҕоонноох тойукка уонна чаҥыйар чабырҕахха маастар-кылаастар буоллулар. Кэлбит дьон туойан, чабырҕахтаан холонон көрдүлэр, саха фольклорун тула кэпсэттилэр, санааларын атастастылар. Уһуйууну иилээн-саҕалаан ыыттылар түмэлбит методистара, үгүс куонкурус, бэстибээл кыайыылаахтара –Алевтина Николаева, Сайаана Попова. Манна даҕатан эттэххэ, бу сайын түмэлгэ «ҮС КУТ» диэн оҕолорго аналлаах саха фольклорун араас көрүҥнэригэр уһуйар лааҕыр сайаапкалары ылан саҕалаата. Сиһилии: https://max.ru/id1435031824_gos/AZ5Ipqx_VOc