“Ийэ куппунан салайтаран” быыстапка араллыыта

Бүгүн Аан дойдутааҕы оҕо көмүскэлин күнүн чэрчитинэн дьэрэкээн ойуу хартыыналардаах, айар куттаах, талба талааннаах, киһи эрэ көрөн сөҕөр үлэлэрдээх худуоһунньук - Анастасия Егоровна Иванова – Арыйаана “Ийэ куппунан салайтаран” - диэн айар үлэтин анал быыстапкатын сүрэхтэниитэ буолла. Бу күн СӨ култуура уонна духуобунай сайдыы миниистирин солбуйааччыта Ирина Александровна Кобзева уонна Арыйаана чугас дьоно-сэргэтэ кэлэн эҕэрдэ тыл эгэлгэтин эттилэр. Бэйэтин ис туругун ууран туран уруһуйдаабыт алыптаах, ураты үлэлэрин көрөннөр кэлбит ыалдьыттар сөҕөн-махтайан үтүө тыл үгүһүн анаатылар. Санатан эттэххэ, «Ийэ куппунан салайтаран» быыстапка от ыйын 27 күнүгэр дылы үлэлиэҕэ. Кэлин-сылдьыҥ, ураты талаан умсулҕаныныгар уйдаран, сайыҥҥы кэмҥитин туһалаахтык атаарын диэн бука барыгытын ыҥырабыт!✨✨✨ Биһигинниин бииргэ буолун: https://max.ru/id1435031824_gos #МузейМузыкииФольклораНародовЯкутии #ГодкультурывРС(Я) #ГодЕдинстваНародоввРоссии #ДеньЗащитыДетей