“Ырыа Ылдьаа-Илья Михайлович Неустроев: айымньылаах олох үктэллэрэ”

Үтүө киһи аата үйэлэргэ умнуллубат. Бүгүн түмэлбитигэр айылҕаттан айдарыылаах, Саха АССР култууратын үтүөлээх үлэһитэ, Амма улууһун, Амма нэһилиэгин бочуоттаах олохтооҕо, тыыл, үлэ бэтэрээнэ, норуот маастара, худуоһунньук, ырыаһыт, кырыымпаһыт, мелодист, бэйиэт Илья Михайлович Неустроев-Ырыа Ылдьаа 100 сылыгар аналлаах “Ырыа Ылдьаа-Илья Михайлович Неустроев: айымньылаах олох үктэллэрэ” – диэн кинигэ сүрэхтэниитэ буолла. Кинигэ күн сирин көрбүт үтүө күнүгэр Ырыа Ылдьаа оҕолоро, аймах-билэ дьонноро, Амма улууһуттан ыҥырыылаах ыалдьыттар, култуура эйгэтигэр үлэлии-хамныы сылдьар идэлээх дьон кэлэн эҕэрдэ эгэлгэтин эттилэр, баҕа санаа бастыҥын тиэртилэр. Саалабыт иһэ кырыымпа алыптаах тыаһыгар уйдарда, ыллам ырыа ылланна, ахтыы үгүһэ этилиннэ. Араас идэни тэҥинэн баһылаабыт, дьоҕур-талаан дьоһуннук сыстыбыт, сахаҕа биир тарбахха баттанар киэн туттар киһибит Ырыа Ылдьаа ырыалара үйэлэргэ дуорайдын, оҥорбут үтүө дьыалата  умнуллубат үгэстэннин! Биһигинниин бииргэ буолун: https://max.ru/id1435031824_gos #МузеймузыкиифольклоранародовЯкутии #ГодКультурывЯкутии #ГодединстванародоввРоссии #РубрикаМелодисты