БИЛИИ Олимпиада балаһыанньата
Төрөөбүт тыл уонна сурук-бичик күнүгэр,
Саха сиригэр Ийэ, Арассыыйаҕа арассыыйа норуоттарын культурнай нэһилиэстибэлэрин сылларыгар уонна С.А. Новгородов 130 сылыгар анаммыт
Өрөспүүбүлүкэтээҕи оскуола саастаах оҕолорго кэтэхтэн ыытыллар
“БИЛИИ – 2022”
олимпиада балаһыанньата
Тэрийээччилэр: Саха Өрөспүүбүлүкэтин духуобунай сайдыыга уонна культураҕа министиэристибэтэ, Саха сирин норуоттарын музыкатын уонна фольклорун музейа.
Олимпиада сыала: Оҕону төрөөбүт уус-уран тылынан айымньытын, литературатын, историятын, искусство араас көрүҥэр, наука уонна технология билимнэригэр билиитин тургутуу нөҥүө чиҥэтии, кэҥэтии
Соруктара:
- Оҕо ааҕарын, үѳрэтэрин, ис кыаҕын толору арыйан туһанарын кѳҕүлээһин;
- Сахалыы тобуллагас толкуйа, анаарыыта сайдарыгар, санаабытын сайа этэр кыаҕын толору туһанарыгар олук ууруу;
- Оҕо киэҥ билиилээх-көрүүлээх буоларын ситиһии.
Кыттааччылар: Олимпиадаҕа өрөспүүбүлүкэ оскуолаларын 1-11 кылаас үөрэнээччилэрэ.
Кыттааччылары саастарынан бөлөххө араарыы:
1 бөлөх: 1-4 кылаас үөрэнээччилэрэ;
2 бөлөх: 5-8 кылаас үөрэнээччилэрэ;
3 бөлөх: 9-11 кылаас үөрэнээччилэрэ.
Кыттыы бэрээдэгэ:
- Кыттааччылар сайаапка (Приложение1) бланканы толорон ыытаҕыт, толоруу ирдэбилин аллараа көрөҕүт;
- Сайаапканы sakha_olimpiada@mail.ru электроннай аадырыска олунньу ый 11 күнүттэн-21 күнүгэр диэри ыытаҕыт;
- Кыттааччылар 100 солк. тэрийэр усунуос төлүүгүт. Мобильнай банк номера: 8-996-915-78-13 (Любовь Константиновна Помогаева, Саха сирин норуоттарын музыкатын уонна фольклорун түмэлин методиһа). Кыттааччы аатын-суолун ыйаргыт булгуччулаах;
- Олимпиада сорудаҕын ссылката олунньу ый 24 күнүгэр 11:00 чаастан folkmuseumyakutia.ru саайтка арыллыаҕа;
- Олимпиада сорудаҕар эппиэттэри олунньу ый 28 күнүгэр 18:00 ч. диэри ссылканан киирэн толороҕут;
- Кулун тутар ый 1-2 күннэригэр дьүүллүүр сүбэ үлэлэри көрөр;
- Кулун тутар ый 3 күнүгэр олимпиада түмүгэ http://folkmuseumyakutia.ru сайтка уонна museum_folk_music_yakutia инстаграммна тахсар, сырдатыллар;
- Кыайыылаахтар дипломунан, грамотанан наҕараадаланаллар, хас биирдии кыттааччыга туоһу сурук (сертификат) туттарыллар.
Билсэр төлөпүөҥҥүт: 8(4112) 35-38-84, 8996-915-78-13
sakha_olimpiada@mail.ru
Дьокуускай куорат, Киров уул.31 (3 этээс) Помогаева Любовь Константиновна, Саха сирин норуоттарын музыкатын уонна фольклорун түмэлин методиһа
Приложение 1
Кэтэхтэн ыытыллар олимпиадаҕа кыттарга толоруллар сайаапка халыыба:
| Кыттааччы толору аата-суола:
|
Оскуолата, кылааһа, нэһилиэгэ, улууһа:
|
Научнай салайааччытын /төрөппүтүн толору аата-суола, төлөпүөнүн нүөмэрэ:
|
Кыттааччы электроннай аадырыһа: |
|
|
