Министерство культуры и духовного развития Республики Саха (Якутия)
ГБУ РС(Я) «Музей музыки и фольклора народов Якутии» (ГБУ РС (Я) ММФНЯ)
Олоҥхо Декадатын чэрчитинэн
Чурапчы улууһуттан төрүттээх биллиилээх олоҥхоһут
Иннокентий Гурьевич Тимофеев-Теплоухов
төрөөбүтэ 150 сылыгар анаммыт
олоҥхо ырыатын-тойугун толорууга маҥнайгы өрөспүүбүлүкэтээҕи
күөн күрэс (дистанционнай) балаһыанньата
Күөн күрэс сыала-соруга:
— Олоҥхо ырыатын-тойугун толорор таһымын үрдэтии;
— Олоҥхо уобурастарын эгэлгэ араас матыыптарын үйэтитии;
— Олоҥхо ырыатын-тойугун нөҥүө оҕолору норуот тылынан уус-уран кылаан чыпчаала олоҥхо эйгэтигэр сыһыарыы;
— Олоҥхо ырыатын-тойугун силигин, аналын, ис-хоһоонун, тылын-өһүн өйдөөн олоҥхону быһа тардан толорууга табыгастык туһаныыны ситиһии;
— Олоҥхо ырыатын-тойугун толорооччуну, толорооччулары устан саха сирин норуоттарын музыкатын уонна фольклорун түмэлин фондатыгар үйэтитии.
Күөн күрэс ирдэбилэ:
— Кыттааччы сааһа маннык наарданар:
- 11-14 саастаахтар;
- 15-18 саастаахтар;
- 19-25 саастаахтар;
- 26-35 саастаахтар;
- 35 үөһээ саастаах биирдиилээн, бөлөҕүнэн кыттыахтарын сөп.
Күөн күрэс төлөбүрэ:
— Биирдиилээн кыттааччы- 350 солк. төлүүр;
— Бөлөҕүнэн кыттааччы (хас биирдии киһи)- 250 солк. төлүүр;
— Сайаапкалары уонна видео-матырыйаалы сэтинньи ый 30 күнүттэн ахсынньы ый 12 күнүгэр дылы e-mail: Olonkommif@mail.ru электроннай почтаҕа ыытаҕыт;
— Түмүк ахсынньы ый 17 күнүгэр Саха сирин норуоттарын музыкатын уонна фольклорун түмэлин сайтыгар Folkmuseum.ykt.ru тахсыа.
Сыаналааһын ирдэбилэ
- Олоҥхо ырыатын-тойугун толорор маастырыстыбата;
- Куолаһын кэрэтэ, тардыыта, дьиэрэтиитэ, кылыһаҕа;
- Олоҥхо уобурастарын ырыатын-тойугун үгэскэ олоҕуран толоруута;
- Олоҥхо уобураһын табан толорон арыйыыта.
Наҕараадалааһын:
Бастыҥ толоруу (биирдиилээн, бөлөҕүнэн) “КЫЛААН ЧЫПЧААЛ” аатын ылар, I-II-III таһымнаах үрдэллэр уонна анал ааттар иҥэриллэллэр.
Тэрийээччи координатор:
Обоюкова Варвара Валерьевна
+79141033100 (ватсап)
