Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Олоҥхо ыһыаҕар Оһуокай түһүлгэтэ
    27 июня 2022

    Хотун Бүлүү туонатыгар- Олоҥхо ыһыаҕын оһуокай түһүлгэтин күөн күрэһэ 15 төгүлүн Үөһээ Бүлүү улууһугар » Түгэхтэй» алааһыгар ыытылынна. 4 бөлөххө уопсайа 130 киһи кыттыыны ылла. 14-18 сааһыгар дылы кыттааччылары Васильева Александра Васильевна уонна Терютин Николай Николаевич — Республикатааҕы норуот айымньытын дьиэтин фольклорга исписсэлиистэрэ сыаналаатылар. 18-35 с дылы үҥкүү тылын этээччилэри Сунтаартан Саргылаана Дмитриевна Меркурьева уонна этнопсихолог Тамара Петровна Егорова иһиттилэр. Салҕыы 36-60 гар дылы саастаах дьону Мэҥэ-Хаҥалас улууһун «Оһуокай түмсүүтүн» салайааччыта Шипошина Мария Михайловна уонна Ньурбаттан Анна Егоровна Матвеева көрдүлэр- иһиттилэр. 60- н үөһэ саастаахтарга өр сылларга оһуокай түһүлгэлэрин солбуллубат сүбэһиттэрэ Дьокуускайтан Төгүл Сергеевич Зверев, Ньурбаттан Тимофей Елисеевич Ефремов, быйылгы сылтан саҥа дьүүллүүр сүбэҕэ киирбит М.К. Аммосов аатынан ХИФУ доцена Семён Семенович Протопопов уонна Мэйик нэһилиэгиттэн Джемма Иннокентьевна Семёнова бэт таһаарыылаахтык үлэлээтилэр. «Аан Дархан» ааты Сахаайта Мойтохонова ылан 300 000 солк.тутта. 18-35 с. дылы » Кылаан Чыпчаал» ааты Ньурбаттан Прокопий Федоров ылла уонна 100 000 солк. наҕараадаланна. Хас биирдии бөлөххө бастыҥнарга Ыһыах Призовой Фондатыттан харчынан сертификаттар уонна Үөһээ Бүлүү тойуксуттарын, оһуокайдьыттарын ааттарынан сиэннэр, оҕолор туруорбут анал бириистэрэ тарҕатылыннылар. Оһуокай Дьүүллүүр Сүбэтин уопсай быһаарыытынан » Оһуокай түһүлгэтин үйэлээх үҥкүүһүттэрэ» диэн 80- н үөһээ аҕам саастаах дьоҥҥо финалга киллэрбэккэ бастыҥнарга бириис туттарылынна. Ол курдук, Васильева Ирина Семеновнаҕа ( 84 с.) , Ушканов Иван Григорьевичка ( 84 с.)- 25 000 солк. харчынан сертификат, Иванов Роман Даниловичка- Ырыа Арамаан ( 81 с.)- 35 000 солк., Кривошапкин Анатолий Иванович ( 84 с.)- 50 000 солк. уонна Москарова Прасковья Максимовнаҕа Бүлүү сүнньүгэр чуолаан Үөһээ Бүлүүгэ оһуокай түһүлгэлэрин тохтоло суох тэрийээччи Федотов Дмитрий Яковлевич дьоно туруорбут Убаһалара тигистэ. Дьэ ити курдук аҕам саастаах дьоммутун хааһахха уга сылдьан сүбэ- соргу ылан, көҥүл оһуокайдары тэрийтэрэн, итии куйааска да ардах- самыыр ортото биирдэ да оһуокай түһүлгэтэ тохтообокко, уҕараабакка, кураанахсыйбакка быйылгы ыһыахха оһуокай чахчы ыһыах тэбэр сүрэҕэ, тобуллаҥныыр киин дьулайа буолбута үрдүк ситиһиибит буолла. Бары бөлөххө Үөһээ Бүлүүттэн уопсайа 70 ча киһи кытынна. Оҕолорго Сахаайта Мойтохонова, Марианна Хобусарова үөрэнээччилэрэ ону сэргэ Ньурбаттан Маар н. » Дьөҥкүүдэ кыталыктара» народнай бөлөххө дьарыктанааччылар ( сал. Саргылаана Петровна Федорова). Республикаҕа номнуо биллэр ааттар Марианна Хобусарова, Василий Игнатьев, Андрей Алексеев уода оһуокай түһүлгэтин киэргэтиэхтэрин киэргэттилэр. Дьүүллүүр Сүбэҕэ үлэлээбит дьону Оҥхой уонна Мэйик нэһилиэгиттэн киирэн бэрт эйэҕэс- сайаҕас дьон 3 күнү супту итии чэйинэн, арыылаах алаадьынан, ас маанытынан айах тутан, эбиэттэтэн, дэгэрэҥ аһы тэрийбиттэрэ махталлаах дьыала. Бу кыһамньылаах дьоммут аҥардас биһигини эрэ буолбакка аҕам саастаах дьоммутугар эмиэ болҕомтолорун ууран ытыс үөһэ түһэрэн сахалыы сиэрдээхтэрин, убаастабылларын көрдөрдүлэр. Ыһыах аһыллыытын кэннэ бэт мааны сандалы остуолу тардан үгүс дьону минньигэс аһынан күндүлээбиттэрэ барыбыт да сүргэтин көтөхтө. Онон, күндү кыргыттарбытыгар махтанабыт, үлэҕитигэр ситиһиини, тус олоххутугар табыллыыны баҕарабыт. Салгыы, быйылгы ыһыахха саҥа сүүрээн быһыытынан киирбит » Дарханнар Дарханнара» оһуокай күрэҕэр уопсайа 9 киһи суруттарбыттыттан 4 киһи кыттыыны ылла: Алексеев Афанасий Егорович — 88 с. Дьокуускай к. төрдө Бүлүү. Алдан ыһыаҕын » Дархан үҥкүүһүтэ» ( 2018 с.), I миэстэ, 50 000 солк. сертификат уонна Ил Дархан А.С. Николаев 150 000 солк. тутта. Евсеев Михаил Михайлович — Кураһаай Түбэй н., Сунтаар улууһа. Нам ыһыаҕын оһуокай күрэҕэр кыайыылаах ( 2019 с.), 300 000 солк. сертификат ылла. Егоров Егор Егорович, Үөһээ Бүлүү. Чурапчы ыһыаҕын кыайыылааҕа ( 2015 с.), II миэстэ — 50 000 солк. сертификат уонна Вадим Константинов бииргэ үөрэммит оҕолорун аатыттан 62 000 солк. харчыны ылла. III миэстэ Өлүөхүмэ улууһун ыһыаҕар » Дархан үҥкүү тылын этээччи» 2021 с. буолбут Светлана Николаевна Зедгенидзева, Сунтаар улууһун Түбэй нэһилиэгиттэн — 50 000 солк. ылла. Бу күрэххэ дьүүллүүр сүбэҕэ Илларионов Василий Васильевич, Чычахов Иван Егорович, Зверев Төгүл Сергеевич, Ефремов Тимофей Елисеевич бэккэ кыһанан, ил дэмнээхтик үлэлээтилэр. Быйылгы Оһуокай түһүлгэтин күрэҕэ тэриллэригэр уот хара ааныттан сааскыттан үлэлэспит Үөһээ Бүлүү кэскиллээх ыччата, М.Н. Жирков аат. ДьМК ( У) биир бастыҥ выпускнига Андрей Алексеевка махталбын биллэрэбин. Уонна Республика норуот айымньытын Дьиэтин фольклорга исписсэлииһэ Любовь Ивановна Васильева » Олоҥхо Ыһыаҕын» бары тэрээһин үлэтин кыайа-хото тутан дьоһун кылааты киллэрбитин бэлиэтиибин. Кылгастык маннык иһитиннэрии. Варвара Валерьевна Обоюкова » Олоҥхо ыһыаҕын» оһуокай түһүлгэтигэр күрэхтэрин 2018 с. бастайааннай бэрэсэдээтэлэ, фольклорист. Бэс ыйын 27 к., 2022 с. Дьокуускай к. б/ т: +79141033100.



    Author of the theme: Tonyc - freelance.ru/users/tonyc