Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Олоҥхобут тойугун дуораһытар, инники сайдар былаанын «NeoOLONKHO. Эпосы мира на земле Олонхо» бэстибээл үрдүк таһымнаахтык буолан ааста.
    7 декабря 2023

    Ахсынньы аам-даам тымныытын аахсыбакка олоҥхобут тойугун дуораһытар, инники сайдар былаанын ырытар, уопут атастаһар регионнар икки ардыларынааҕы «NeoOLONKHO. Эпосы мира на земле Олонхо» бэстибээл үрдүк таһымнаахтык буолан ааста.
    Саха сирин норуоттарын муусукатын уонна фольклорун түмэлин методиһа Алевтина Николаева дьүүллүүр сүбэҕэ үлэлээн бу курдук санаатын үллэстэр: «Бу бэстибээл чэрчитинэн ыытыллыбыт «Төрүт дорҕоон» күрэххэ Сахабыт сирин араас улуустарыттан кэлбит кыттааччылар олоҥхо ырыатын-тойугун музыкальнай инструмент нөҥүө оонньоон көрөөччүлэри сөхтөрдүлэр. Маны таһынан Алтай, Башкортостан дойдуларыттан кэлбит ыалдьыттар бэйэлэрин эпостарын муусука нөҥүө оонньоон иһитиннэрдилэр».
    Олоҥхону оллоонноон олорон толорууну таһынан, муусука алыптаах дорҕоонун иһитиннэрбиттэрэ солун сүүрээн, саҥалыы саҕах буоларын кэлбит ыалдьыттар бэлиэтии көрдүлэр.



    Author of the theme: Tonyc - freelance.ru/users/tonyc