Төрөөбүт төрүт тыл,

Сөрүүн сүөгэй курдук,

Сурэҕи-быары сөрүүргэтэр,

Убаҕас отон уутун курдук,

Улахан куйааска ута5ы аһарар,

Сырдьыгыныы көөнньүбүт

Сылгы кымыһын курдук ,

Тостор куйааска

Тоҕулу ханнарар…

(«Төрөөбут тыл» А.А.Иванов-Кундэ)

Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун! Норуот олорбут олоҕо, тыына-дьылҕата тылыгар иҥэн сылдьар. О5о төрүөҕүттэн ийэ тылын эйгэтигэр иитилиннэҕинэ, омук кутун-сүрүн, өр үйэлэргэ муспут муудараһын этигэр-хааныгар иҥэринэр, төрөөбут тылын, бэйэтин омугун харыстыыр киһи буолар.

Хайа да омук төрөөбүт тылын билэр, таптыыр, сыаналыыр кэнчээри ыччаттаах буоллаҕына — тыыннаах буолар, салгыы сайдар, барҕарар кыахтанар. Тыл – бүтүн норуот национальнай баайа, кэлэр кэскилэ!