Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Сайыҥҥы кэмҥэ биһиги музейбытыгар араас лааҕырдартан оҕо-аймах тоҕуоруһа мустар. 
    26 июня 2024
    Киһи баай буолар, бэйэтин норуотун дириҥ историятынан, төрүт культуратын билиитинэн, тирэхтээх буолар өбүгэлэрин олорон ааспыт олохторун утумнаан илдьэ сылдьар тыынынан. Төрөөбүт дойдуга бэриниилээх буолууну, кини киэҥ далааһыннаах өлбөөдүйбэт-сүппэт үгэстэрин кыра саастан оҕоҕо сырдатыы, билиилэрин хаҥатыы түмэл биир соруга буолар.
    Аан боруогун атыллаат кэлбит оҕолор саҥа аллайа түмэл иһигэр баар быыстапканы умсугуйан көрөллөр. Оҕолор норуоттар музыкальнай инструменнарын тыаһатан, оонньоон да көрөллөр, ат сүүрдэн күрэхтэһэн да ылаллар, остуол оонньуутугар бэйэни тургуталлар, оһуокайы эҥээриттэн элэгэлдьитэн ылаллар. Ол курдук доруобуйаны бөҕөргөтөр “Надежда” сайыҥҥы лааҕыр оҕолоро кэлэн ыалдьыттаан, астынан, дуоһуйан бардылар.
     



    Author of the theme: Tonyc - freelance.ru/users/tonyc