Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Саха сирин норуоттарын муусукатын уонна фольклорун түмэлигэр «Кырадаһын абылаҥа» кулууп иистэнньэҥнэрэ маастар кылаастары ыыталлар.
    14 декабря 2023

    Бугун «КырадаҺынтан кыбытыылаах тигиигэ оҥо, ойо, хайа быһыы ньымаларын уонна хаттык таҥастары (сүүс-кулгаах сабыыта, түөһүнньүк, бааччы)» тигиигэ маастар кылааһы иилээн-саҕалаан ыыттылар  Полина Николаевна Федорова уонна Светлана Петровна Максимова. Кинилэр оҥоһуктарын билиһиннэрдилэр, үөрэттилэр, сүбэ-ама биэрдилэр.

    Саха сирин норуоттарын муусукатын уонна фольклорун түмэлигэр ахсынньы ый 18 күнүгэр диэри «Уһуйааччы уонна үөрэнээччи быстыспат ситимэ» диэн Арассыыйа уонна Саха Өрөспүүбүлүкэтин норуотун маастара Дария Семеновна Козлова үөрэнээччилэрин быыстапката үлэлиир.  Быыстапкаҕа  Дария Козлова иистэнньэҥнэри уһуйар «Кырадаһын абылаҥа» түмсүүтүн үлэлэрэ тураллар: дьиэҕэ-уокка киэргэл быһыытынан туттуллар паннолар, көбүөрдэр, сабыылар, күннэтэ кэтиллэр таҥас-сап, суумкалар, хаппардар, саха дьахтара мааныга кэтэр аныгылыы истииллээх кытыылаах сонун кэмпилиэгэ, тымныыттан харыстыыр хаттык таҥастар, киэргэл быһыытынан эркиҥҥэ ыйанар чаппараахтар уо.д.а.

    Маны сэргэ, кырадаһынтан  кыбытан-аттаран тигии ньымаларын кытта билиһиннэрэр, сүбэ-ама биэрэр, саҥаны айар-тутар санааҕа кынаттыыр маастар-кылаастар ыытыллаллар.

    Буолар сирэ: Киров уул. 31 дьиэтэ 3 этээс.

    Билсэр нүөмэргит: 35-38-84

    Киирии билиэт: 100 солк.



    Author of the theme: Tonyc - freelance.ru/users/tonyc