СЭРГЭЙ СИБИЭРЭП – КЫЫЛ УОЛА

норуот ырыаһыта, олоҥхоһут, тойуксут, үҥкүүһүт, суруйааччы

 видеоэкспонат сүрэхтэниитэ

 Хайа да омук, ханнык баҕарар норуот бэйэтин чулуу дьоннорунан киэн туттар, инники күөҥҥэ тутар, инникигэ сирдиир былаах оҥостор. Биһиэхэ, саха омукка оннук дьоннорбутуттан биирдэстэринэн Сэргэй Сибиэрэп – Кыыл Уола буолар.

Сэргэй Сибиэрэп уолан эдэр сааһыттан олоҕун бүтэһик күннэригэр дылы дьон-сэргэ көрүн-нарын көҕүлээбитэ, саха норуотун духуобунай културатын Аан дойду таһымыгар тиийэ аатырдыбыт норуот талба талааннааҕа:  ырыаһыт, тойуксут, уһулуччу үҥкүү тылын этээччи,  хомусчут, чабырҕахсыт, олоҥхоһут, саха төрүт үҥкүүлэрин сөргүтээччи, айааччы уонна туруорааччы буолар.

Быйыл Аар-Саарга аатырбыт улуу киһибит  Кыыл Уола төрөөбутэ 120 сааһын бэлиэтээтибит. Саха сирин норуоттарын музыкатын уонна фольклорун бу үбүлүөйдээх сылыгар анаан «СЭРГЭЙ СИБИЭРЭП – КЫЫЛ УОЛА: норуот ырыаһыта, олоҥхоһут, тойуксут, үҥкүүһүт, суруйааччы» видеоэкспонат оҥорон таһаарда. Ахсынньы ый 28 күнүгэр, Аан дойдутааҕы киинэ күнүгэр анаан, киэһээ 17:00 чаастан Музей инстаграм ситимигэр @museum_folk_music_yakutia видеоэкспонат сүрэхтэниитэ быһа эфиринэн тахсыаҕа.

Буолар кунэ-дьыла: ахсынньы ый 28 күнүгэр 17:00 ч.

Буолар сирэ: Музей инстаграм ситимэ @museum_folk_music_yakutia