Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • Соболезнования…
    14 мая 2024

    Варвара, Алексей Калининскайдар:

    — Саха сирин норуоттарын музыкатын уонна фольклорун түмэлин коллективыгар уонна Алина Владимировнаҕа, Аиза Петровна чугас аймах дьонноругар, ыччаттарыгар дириҥ кутурҕаммытын тиэрдэбит.

     Аиза Петровна олорбут олоҕо чаҕылхай, айбыта-туппута үйэлээх. Салайааччы да быһыытынан үрдүк таһымнаах кэрэхсэнэр киһи. Кини хаһан да санаатын түһэрбэккэ саҥаттан саҥа хамсааһыннары, ньымалары тобулан, тэрийбит музейын баай ис хоһоонноон,  нэһилиэнньэ бары араҥатын хабан сырдатарга дьулуһара.  Биирдэ сылдьыбыт киһи иккиһин, үсүһүн төннөрүн курдук. Музейга атылыы дойдуттан тиийэ кэлэн сэргээн ааспыттара элбэх. Үгүстэн биири эттэххэ, Аиза Петровна аҥардас Кёльнскай этнологияҕа институтун директора Улла Йохансенныын утумнаах чинчийэр-научнай үлэтэ, үгүс экспедициялара үтүө холобурунан буолар.

    Саха саарына, бөлүһүөк киһи саҕалаабытын сириэдитэн, сайдар аартыгы  арыйан, кэскилин кэҥэтэн, Аан  дойду түһүлгэтигэр киллэрэн, үлэтин салҕааччылары түмэн, билиилэрин-көрүүлэрин хаҥатарга, сайыннарарга сүбэлээн-амалаан, өйөөн, кэс тылларын иҥэрэн хаалларда…

    Кинини кытта алтыһан ааспыт дьон үтүмэн сылларга өйбүтүгэр -санаабытыгар иҥэрэн сырдык өйдөбүл оҥостон илдьэ сылдьыахпыт.

    Аиза Петровна, уһун  уугар сымнаҕастык утуй!

    Быдан дьылларга быраһаай!



    Author of the theme: Tonyc - freelance.ru/users/tonyc