РСФСР культуратын үтүөлээх үлэһитэ Мария Андреевна, СӨ култууратын үтүөлээх үлэһитэ Валерий Петрович Герасимовтар. Чурапчы:
— Аиза Петровна ыарахан ыарыыттан олохтон туораабытынан П.М.Решетников аатынан Чурапчытааҕы нартеатр иккис, үһүс көлүөнэтин артыыстара,билигин култуура үлэтин бэтэрээннэрэ Мария уонна Валерий Герасимовтар дириҥ кутурҕаммытын тиэрдэбит! Саха норуота музыка эйгэтигэр биир тарбахха баттанар сүдү бөлүһүөк өйдөөх,саха музыкальнай искусствота сайдарыгар,саха норуотун олоҥхото музыкальнай эйгэҕэ нотаҕа тиһиллэн дириҥник хорутан үөрэтиллэригэр сүдү кылаатын киллэрбит,бэйэтин норуотун фольклорун уратыларын аан дойду норуоттарыгар сурукка- бичиккэ киллэрэн үйэтиппит,уонна улахан таһымнаах форумнарга тус бэйэтинэн кыттан пропагандалаабыт бэйэтин норуотун төлөннөөх пропагандиһа,саха дьоно, Чурапчылар биһиги киэн туттуубут олохтон туораабыта улахан кутурҕаны аҕалла…Биһиги өйдүүбүт үөрэҕин бүтэрэн кэлэн 1971 с.Саха радиотын уонна телевидениятын хорун концертмейстерынан үлэлээбитин. Музыка эйгэтигэр сүҥкэн суолталаах биэриилэри радиоҕа уонна телевиденияҕа оҥортоон Саха Сирин дьонугар сүрдээх элбэх билиитин,көрүүтүн үллэстиитэ билигин да өйбүтүгэр- санаабытыгар иһиллэргэ дылы .Маны сэргэ тиһигин быспакка хаһыаттарга,сурунаалларга араас дириҥ ис хоһоонноох суруйуулара дьоннор болҕомтолорун тардара.Биһиги музыкаттан ыраах дьоҥҥо кини биэриилэрэ,суруйуулара сүрэхпит ортотунан киирэрэ.Кини Саха Сиригэр эрэ буолбакка РФ композитордарын Союһун кытта ыкса сибээстээхтик үлэлээн, тас дойдуларга Москваҕа,Санкт- Петербурга улахан концертнай саалаларга солист быһыытынан ,концертмейстер быһыытынан кыттыталаабыта өрүү Киэн туттуу тыыныгар элбэх көлүөнэ саха дьонун иитиспитэ.Саха музыканнарыгар мэлдьи туох да иҥэ-дьаҥа суох үтүө холобурунан буолара.Кини ханна баҕарар ыытыллар көрсүһүүлэргэ,конференцияларга,Международнай таһымнаах форумнарга кытыннаҕына эҥинэ бэйэлээх Мин дэммит музыкальнай эйгэ деятеллэрин бүүс бүтүннүү болҕомтолорун бэйэтигэр тардар талааннаах дакылааччыт этэ.Билиитэ-көрүүтэ,анаарыыта өрүү ураты ,киһи сатаан мөккүспэт гына точканы туруоран кэбиһэрэ наһаа сөхтөрөрө.Ол да иһин РФ Президенин граннарыгар Кини кииристэҕинэ хайаан да кыайыылаах тахсара. Барахсан саха норуотун биир чаҕылхай кыыһа быдан дьылларга быраһаай! Биһиги Эйиигин илэ харахпытынан көрбүт,алтыспыт дьоннор Эн музыкальнай эйгэҕэ төлөннөөх тыл этиилэргин,суруйууларгын норуотун ыччаттара инникитин даҕаны үөрэтиэхтэрэ диэн бигэ эрэллээхпит!
Төрөөбүт сирин төрүт буора сылаас суорҕан,сымнаҕас тэллэх буолуохтун!🙏🙏🙏🕯️🕯️🕯️💐💐💐
