Ахсынньы 11 күнүгэр Таатта народнай театрын бастакы режиссера, Саха АССР үтүөлээх артыыската  Ирина Михайловна Максимова 100 сылыгар анаммыт тэрээһиннэр буоллулар. Ол курдук, кини аатынан уулусса үөрүүлээх быһыыга арыллынна, маны тэнэ  Былатыан Ойуунускай аатынан Таатта народнай театырын историятын кэпсиир “История быыһын сэгэтэн” быыстапка  арылынна. И.М.Максимова төрөппүт кыыһа, СӨ үтүөлээх артыыһа, историческай наука кандидата, Саха сирин норуоттарын музыкатын уонна фольклорун түмэлин төрүттээччитэ   Аиза Петровна Решетникова эҕэрдэ тыл эттэ, ахтыы оҥордо.