Бу сыл тохсунньу ый 25 күнүгэр 15:00 ч. Саха сирин норуоттарын музыкатын уонна фольклорун музейыгар СӨ үөрэҕириитин туйгуна, импровизатор-хомусчут, А.Д. Макарова аатынан Дьокуускайдааҕы культура уонна искусство колледжын төрүт культура салаатын уһуйааччыта Михаил Николаевич Винокуров “ОҺуохай араастарыгар методическай көмө видеоурок” сүрэхтэниитигэр буолар.
Видеоурок 2 чаастан турар:
1. “Оһуохай туһунан санаалар…” М.Н.Винокуров.
2. Оһуохай араастара:
• РФ культуратын үтүөлээх үлэһитэ, Саха АССР үтүөлээх артыыһа, СӨ үөрэҕириитин туйгуна А.С.Федоров методикатынан дорҕоону, кылыһаҕы таһаарыыга эрчиллиилэр;
• А.Д. Макарова аатынан Дьокуускайдааҕы культура уонна искусство колледжын төрүт культура салаатын студеннарын толорууларыгар оһуохай араастара.

Эпидемиологическай ситуациянан тэрээһини музей инстаграмыгар @museum_folk_music_yakutia киирэн көрөөрүн диэн ыҥырабыт.

Видеоурок тохсунньу ый 25 күнүттэн атыыга тахсар.

Буолар сирэ: Киров уул., 31, ( 3 этээс)
Билсэр төл.: 35-38-86