Бүгүн, ахсынньы ый 8 күнүгэр «Уһуйааччы уонна үөрэнээччи быстыспат ситимэ» диэн Арассыыйа уонна Саха Өрөспүүбүлүкэтин норуотун маастара Дария Семеновна Козлова уонна кини үөрэнээччилэрин быыстапката арылынна. 

Дария Семеновна эн төрүт үгэһи сөргүтэр, тарҕатар сыалтан  иистэниэн баҕарар ыал күн күбэй ийэлэрин, тапталлаах эбээлэрин  кыбытыылаах тигии  ньымаларыгар үөрэтэр «Кырадаһын абылаҥа» түмсүү иистэнньэҥнэрин билиһиннэрдэ. Быыстапкаҕа турдулар: дьиэҕэ-уокка киэргэл быһыытынан туттуллар паннолар, көбүөрдэр, сабыылар, күннэтэ кэтиллэр таҥас-сап, суумкалар, хаппардар, саха дьахтара мааныга кэтэр аныгылыы истииллээх кытыылаах сонун кэмпилиэгэ, тымныыттан харыстыыр хаттык таҥастар, киэргэл быһыытынан эркиҥҥэ ыйанар чаппараахтар уо.д.а.

Бу быыстапка ахсынньы ый 18 кунугэр диэри туруога. Маны сэргэ, кырадаһынтан  кыбытан-аттаран тигии ньымаларын кытта билиһиннэрэр, сүбэ-ама биэрэр, саҥаны айар-тутар санааҕа кынаттыыр, көҕүлүүр маастар-кылаастар буолуохтара:

09.12.23  10:00 чаастан  «Киэргэл быһыытынан туттуллар декоративнай чаппараах тигиитигэр маастар кылаас»

09.12.23  14:00 чаастан «Таҥалай ойууну тигии ньыматынан суумка»

11.12.23 10:00 чаастан «Кыбытыылаах тигиинэн түөс киэргэлин оҥорорго маастар кылаас»

12.12.23  14:00 чаастан «Сахалыы бытырыыстаах былааты оҥорорго маастар кылаас»

14.12.23  14:00 чаастан «КырадаҺынтан кыбытыылаах тигиигэ оҥо, ойо, хайа

быһыы ньымаларыгар уонна хаттык таҥастары (сүүс-кулгаах сабыыта, түөһүнньүк, бааччы) тигиигэ маастар кылаас»

15.12.23  14:00 чаастан «Кырадаһынтан кыбытыылаах тигии ньымаларын саҥа саҕалааччыларга»

16.12.23  10:00 чаастан  «Кырадаһынтан кыбытыылаах тигии ньымаларын саҥа саҕалааччыларга»

Күнэ-дьыла: ахсынньы ый 6-18 күннэригэр

Буолар сирэ: Саха сирин норуоттарын муусукатын уонна фольклорун түмэлэ,

Дьокуускай куорат Киров уул. 31 дьиэтэ 3 этээс

Билсэр нүөмэргит: 35-38-84