Видеоэкспонаты
  • Решаем вместе
    Расскажите, как музей может стать лучше? Ждём ваших предложений

  • «Умсулҕан» — ураты айылгылаах дьон» документальнай киинэ сүрэхтэннэ
    1 апреля 2024

    1994 сыллаахха  Уус-Алдан Бороҕонугар араас саастаах, идэлээх, ол эрээри биир өйдөөх-санаалаах — коллекцияны мунньааччылар түмсэн «Умсулҕан» диэн ааттаах кулуубу тэриммиттэрэ. Коллекционердар түмсүүлэрэ тэриллибитэ 30 сыллаах үбүлүөйүн көрсө Саха сирин норуоттарын муусукатын уонна фольклорун түмэлэ «Умсулҕан» — ураты айылгылаах дьон» диэн документальнай киинэни оҥорон сүрэхтээтэ. Үөрүүлээх тэрээһиҥҥэ улуус дьаһалтата, бэтэрээннэр сэбиэттэрэ, култуура салалтата уо.д.а. эҕэрдэ тылы эттилэр,   махтал суругунан, араас бочуоттаах бэлиэлэринэн наҕараадалаатылар.

    Түмсүү салайааччыта Станислав Николаевич Луковцев: «Отут сыл устатыгар араас быыстапкаларга, тэрээһиннэргэ кыттан, улуус олоҕор көхтөөх кыттыыны ылан, бэстибээллэри тэрийэн, айымнньылаахык үлэлээн кэллибит. Бу үтүмэннээх үлэбит туһунан Саха сирин норуоттарын муусукатын уонна фольклорун түмэлин үлэһиттэрэ  биир бастакынан өйөөн, күүстээх үлэттэн быыс булан, кэрэни кэрэхсээн киэҥ эйгэҕэ таһаарарга «Умсулҕан» — ураты айылгылаах дьон» документальнай киинэ оҥорон  үйэтиппиккитигэр, үбүлүөйдээх күммүтүн киэргэтэн сүрэхтээбиккитигэр, чуолаан  киинэ режиссеругар Любовь Помогаеваҕа, операторга Иван Яковлевка махталбытын тиэрдэбит! Саха норуотун үгэстэрин үйэтитэр, дьоҥҥо-сэргэҕэ киэҥник тарҕатар айымньылаах үлэҕитигэр үрдүк ситиһиилэри, дьоһун дьоллоох олоҕу баҕарабыт!».

    #МузеймузыкиифольклоранародовЯкутии



    Author of the theme: Tonyc - freelance.ru/users/tonyc