Видеоэкспонаты
Решаем вместе
Расскажите, как музей может стать лучше?
Ждём ваших предложений
Ырыа дьоро киэһэтэ музейга…
11 декабря 2020
2018 сыл алтынньы 5-12 күннэригэр 6 күн устата Саха сирин норуоттарын муусукатын уонна фольклорун музейыгар хатыламмат ырыа күннэрэ буолан ааспыттара. Ол курдук олоҕун ырыа алыптаах кэрэ эйгэтигэр анаабыт, ырыа умсулҕаныгар угуйааччы, ыллыыр дьоҕуру арыйааччы, чочуйааччы, кэрэ дорҕоон эйгэтигэр сыһыарааччы, композитор-мелодист, СӨ культуратын үтүөлээх үлэһитэ, СӨ профессиональнай үөрэхтээһинин туйгуна, 130 тахса ырыа автора, Сахабыт сиригэр Ырыа күнэ хас сыл ахсын бэлиэтэниэхтээҕин туруорсан киллэрээччи А.К. Калининскай-Луҥха Өлөксөй ырыа куттаах сахабыт дьонун-сэргэтин бэйэтин тула муспута. Биһиги музейбытыгар урут сылларга быыстапка арыллыыта биир киэһэнэн түмүктэнэр эбит буоллаҕына, «Ырыам айар куйаара…» быыстапка 6 күн устатыгар алтата арыллыбыта. Бу тэрээһиннэр Луҥха Өлөксөй 65 сааһын көрсөр үбүлүөйдээх тэрээһиннэрин биир чэрчитинэн буолбута. Бу күннэр усталарыгар А.К.Калининскай аймах-билэ дьоно, доҕотторо, учууталлара, Тулагы ансаамбыла, Кэбээйи землячествота, Аҕыйах ахсааннаах хотугу норуоттар ассоциациаларын чилиэттэрэ, А.К.Калининскай өр сылларга үлэлэспит доруобуйаларынан хааччахтаах ырыа кэрэ эйгэтин дьоно, кини иилээн-саҕалаан тэрийсибит Хатастааҕы «Сайдам», «Дьүрүскэн оһуор», «Кэрэ Куо», «Арчылаана» ансаамбыллара уонна Алексей Кириллович маҥнайгы тэрийбит Дьокуускайдааҕы национальнай гимназия «Дьиэрэй» ырыа бөлөҕө кэлэн Ксенофонт Уткин-Нүһүлгэн, Христофор Горохов, Зинаида Минина, Иван Божедонов курдук ырыанньык-поэттар тылларыгар айыллыбыт сахабыт дьонун сүргэтин көтөҕөр «Саргыбыт сайыннын», «Дьол ырыа куората», «Ырыа күнэ», «Таптыыр ахтар Хатаспыт» өрөгөйдөөх ырыалары авторы кытта тэҥҥэ ыллаан-туойан дьон санаатын сылаанньытан барбыттара.
Кэлбит коллективтар: «Эн киһиэхэ истиҥ сыһыаныҥ, сахалыы ырыаҕа бэриниилээҕиҥ, ырыа ис хоһоонун, музыкатын өрө тутарыҥ биһиэхэ холобур буолар. Эн Сахабыт сиригэр биир бастыҥ ырыа айааччы буоларгынан киэҥ туттабыт!!!» — диэн Алексей Кирилловичка махталларын биллэрбиттэрэ.
Итиннэ сыһыаран эттэххэ, Алексей Кириллович Калининскай биһиги музейбытын кытта ыкса ситимнээхтик өр сылларга таһаарыылаахтык үлэлээн кэллэ.
Ырыа дьоро киэһэтэ музейга…
2018 сыл алтынньы 5-12 күннэригэр 6 күн устата Саха сирин норуоттарын муусукатын уонна фольклорун музейыгар хатыламмат ырыа күннэрэ буолан ааспыттара. Ол курдук олоҕун ырыа алыптаах кэрэ эйгэтигэр анаабыт, ырыа умсулҕаныгар угуйааччы, ыллыыр дьоҕуру арыйааччы, чочуйааччы, кэрэ дорҕоон эйгэтигэр сыһыарааччы, композитор-мелодист, СӨ культуратын үтүөлээх үлэһитэ, СӨ профессиональнай үөрэхтээһинин туйгуна, 130 тахса ырыа автора, Сахабыт сиригэр Ырыа күнэ хас сыл ахсын бэлиэтэниэхтээҕин туруорсан киллэрээччи А.К. Калининскай-Луҥха Өлөксөй ырыа куттаах сахабыт дьонун-сэргэтин бэйэтин тула муспута. Биһиги музейбытыгар урут сылларга быыстапка арыллыыта биир киэһэнэн түмүктэнэр эбит буоллаҕына, «Ырыам айар куйаара…» быыстапка 6 күн устатыгар алтата арыллыбыта. Бу тэрээһиннэр Луҥха Өлөксөй 65 сааһын көрсөр үбүлүөйдээх тэрээһиннэрин биир чэрчитинэн буолбута. Бу күннэр усталарыгар А.К.Калининскай аймах-билэ дьоно, доҕотторо, учууталлара, Тулагы ансаамбыла, Кэбээйи землячествота, Аҕыйах ахсааннаах хотугу норуоттар ассоциациаларын чилиэттэрэ, А.К.Калининскай өр сылларга үлэлэспит доруобуйаларынан хааччахтаах ырыа кэрэ эйгэтин дьоно, кини иилээн-саҕалаан тэрийсибит Хатастааҕы «Сайдам», «Дьүрүскэн оһуор», «Кэрэ Куо», «Арчылаана» ансаамбыллара уонна Алексей Кириллович маҥнайгы тэрийбит Дьокуускайдааҕы национальнай гимназия «Дьиэрэй» ырыа бөлөҕө кэлэн Ксенофонт Уткин-Нүһүлгэн, Христофор Горохов, Зинаида Минина, Иван Божедонов курдук ырыанньык-поэттар тылларыгар айыллыбыт сахабыт дьонун сүргэтин көтөҕөр «Саргыбыт сайыннын», «Дьол ырыа куората», «Ырыа күнэ», «Таптыыр ахтар Хатаспыт» өрөгөйдөөх ырыалары авторы кытта тэҥҥэ ыллаан-туойан дьон санаатын сылаанньытан барбыттара.
Кэлбит коллективтар: «Эн киһиэхэ истиҥ сыһыаныҥ, сахалыы ырыаҕа бэриниилээҕиҥ, ырыа ис хоһоонун, музыкатын өрө тутарыҥ биһиэхэ холобур буолар. Эн Сахабыт сиригэр биир бастыҥ ырыа айааччы буоларгынан киэҥ туттабыт!!!» — диэн Алексей Кирилловичка махталларын биллэрбиттэрэ.
Итиннэ сыһыаран эттэххэ, Алексей Кириллович Калининскай биһиги музейбытын кытта ыкса ситимнээхтик өр сылларга таһаарыылаахтык үлэлээн кэллэ.
Музейбыт историятыттан ахтар буоллахха, 90-с сыллар саҕаланыыларыгар музейбытын иилээн-саҕалаан тэрийбит, төрүттээбит Аиза Петровна Решетниковалыын биир санааҕа, кэлэн оччолорго Киров уул. 10 нүөмэрдээх Музей дьиэтигэр “Сахабыт сирин мелодистарын” залларын арыйбыттара.
2017 c. А.К.Калининскай иилээн-саҕалаан Саха сирин мелодистарын ассоциацията тэриллибитэ 25 сылыгар “Ыллыыр омук кэскиллээх” диэн музейнай видеоэкспонат оҥоһуллан тахсыбыта.
Бу сыллар усталарыгар ырыаҕа сыһыаннаах, ырыа айааччыларга аналлаах тэрээһиннэрбитигэр Алексей Кириллович төһүү күүс, сүбэһит. Биир улахан сүҥкэн кылаатынан буолар музейбыт фондатын хаҥатыыга үлэтэ.
Эн айымньылаах, бэриниилээх үлэҕэр сүһүөхтээх бэйэбит сүгүрүйэбит!!! Инникитин да тэҥҥэ үлэлиэхпит диэн бигэ эрэллээхпит!!!
А.К. Калининскай – Луҥха Өлөксөй Өрөспүүбүлүкэ норуодунай артыыһа үрдүк аатын сүгэрэ саамай сөптөөх этии дии саныыбыт.
Саха сирин норуоттарын музыкатын уонна фольклорун музейын директора,
СӨ культураҕа туйгуна, Корнилова М.И.
2017 c. А.К.Калининскай иилээн-саҕалаан Саха сирин мелодистарын ассоциацията тэриллибитэ 25 сылыгар “Ыллыыр омук кэскиллээх” диэн музейнай видеоэкспонат оҥоһуллан тахсыбыта.
Бу сыллар усталарыгар ырыаҕа сыһыаннаах, ырыа айааччыларга аналлаах тэрээһиннэрбитигэр Алексей Кириллович төһүү күүс, сүбэһит. Биир улахан сүҥкэн кылаатынан буолар музейбыт фондатын хаҥатыыга үлэтэ.
Эн айымньылаах, бэриниилээх үлэҕэр сүһүөхтээх бэйэбит сүгүрүйэбит!!! Инникитин да тэҥҥэ үлэлиэхпит диэн бигэ эрэллээхпит!!!
А.К. Калининскай – Луҥха Өлөксөй Өрөспүүбүлүкэ норуодунай артыыһа үрдүк аатын сүгэрэ саамай сөптөөх этии дии саныыбыт.
Саха сирин норуоттарын музыкатын уонна фольклорун музейын директора,
СӨ культураҕа туйгуна, Корнилова М.И.
