Саха сирин норуоттарын муусукатын уонна фольклорун түмэлигэр муус устар 12 күнүгэр 16 чаастан Аан дойду култууратын маастара, виртуоз хомусчута, Саха Өреспүүбүлүкэтин үтүөлээх артыыһа, М.Н. Жирков аатынан Дьокуускайдааҕы музыкальнай колледж (училище) төрүт култуура толорор ньымаларыгар уһуйуу салаатын уһуйааччыта Варвара Степанова — Арчыына «Алгыстаах дорҕоон» диэн цифровой альбома сүрэхтэнэр.
Бу альбом 2023 сыллаахха Саха сирин норуоттарын муусукатын уонна фольклорун түмэлин директора Мария Корнилова уонна «Увидеть море» киинэ устуудьуйатын продюссера Мила Кудряшова өйөбүллэринэн Санкт Петербург куоракка «Балт мюзик» устуудьуйаҕа уһуллан, бүтүн аан дойдуга дьон истиитигэр таҕыста.
Альбомҥа Арчыына толоруутугар тойук, дэгэрэҥ ырыалар, хомуска дьүһүйүүлэр барыта 14 айымньы киирдэ.
Көрсүһүүгэ Арчыынаны кытта кэпсэтии, маастар-кылаас уонна ырыа-тойук дьиэрэйиэҕэ.