Саха сирин норуоттарын муусукатын уонна фольклорун түмэлигэр «Олоҥхо уонна олох» диэн көрсүһүү буолла. ТэрээҺиҥҥэ Дьокуускай куорат 3-с көлүөнэ оскуолатын иһинэн үлэлиир «Дьээ-дуо» фольклор куруһуогун кыттыылаахтара (салайааччы Розалия Егоровна Львова) олоҥхоһут, тойуксут, поэт, прозаик, фольклорист, Саха АССР оскуолаларын үтүөлээх учуутала, РСФСР норуотун үөрэҕириитин туйгуна, этнопедагог, музеевед Бүөтүр Оҕотоойоп « Эһэ Хара аттаах Элэс Боотур» олоҥхотун толордулар. Аҕам саастаах дьон олоҥхону истэн эрэ буолбакка, бэйэлэрэ толорорго холонон, олус астыммыттарын биллэрдилэр. Киһи аймах улуу айымньытын, өбүгэлэрбит сүдү бэлэхтэрин сыаналаан, киэҥник тарҕатан, ыччат дьону үөрэтэн, кэлэр үйэлэргэ тиэрдэр ытык иэстээхпит диэн санааларын эттилэр.