Муус устар 18 күнүгэр Национальнай библиотека историческай саалатыгар Антонина Христофорова – Хагдаанай «Айаным арчылыыр тыаллара» диэн ураты тыыннаах  хомуурунньугун сүрэхтиир айар киэһэтэ буолла.

Бу тэрээһиҥҥэ Саха сирин норуоттарын музыкатын уонна фольклорун музейа Антонина Степановна тикпин оҥоһуктарын быыстапкаҕа туруоран, кини ийэтин теруттэрин утумнаан эбэнкилии иискэ, уус-уран оноьуктарга утумнаах  дьарыгын дьоҥҥо билиһиннэрдэ.

Антонина Степановна СӨ Норуотун маастара, сахалыы уһаныыга хас даҕаны үөрэтэр босуобуйа ааптара. 2015 сыллаахха Москваҕа ыытыллыбыт Аан дойду таһымнаах быыстапкаҕа Грин При, ити сыл култуура эйгэтигэр ситиһиилэрин иһин Эбэнкилэр ассоциацияларын «Анҥани бэйэҥин -2015» (Человек года) анал ааттары ылбыта. Эбэҥкилэр ассоциацияларын сиэринэн-туомунан дьарыктанар анал бөлөҕүн үлэтигэр, о.д.а. тэрээһиннэргэ көхтөөхтүк кыттар. Төрүттэрин эбэҥкилэр тылларын утумнаахтык үөрэтэр.