2015 сыл муус устар 15 күнүгэр күнүс 15:00

Саха сирин норуоттарын музыкатын уонна фольклорун музейыгар

«Мин тыыннаах тылларбын

Эһиэхэ аныаҕым…» диэн

             90-с сыллар сүрэхтэрин туппут, дэгиттэр талааннаах, үөһэттэн айдарыылаах Айыы Уола-Александр Самсонов сындыыс уоттуу күлүмнээн, ыллаан-туойан, айан тутан ааспыт олоҕор, айар үлэтигэр анаммыт быыстапка арыллыытыгар уонна ахтыы киэһэтигэр аймах-билэ бар дьонун, сүгүрүйээччилэрин күүтэбит.

Быыстапкаҕа көрүөххүт:

           Ийэтин архыыбыттан Айыы уолун хаартыскаларын альбомнарын, таҥаһын-сабын, бэйэтин илиитинэн суруйбут суруктарын, 2014 с. «Арт Дойду» компания уонна «Центральнай» кинотеатр тэрийэн ыыппыт Айыы уолугар аналлаах уруһуй күрэҕин үлэлэрин, «Айыы уола» киинэҕэ туттуллубут олус интэриэһинэй материалларын уо.д.а.

Ахтыыны оҥоруохтара:

         Тапталлаах ийэтэ, бииргэ төрөөбүт убайа, аймахтара, учууталлара, чугас доҕотторо, айар үлэтигэр күүс көмө буолбут дьонноро, «Айыы уола» киинэ продюсера, артыыстар, ырыаһыттар уонна кини талааныгар сүгүрүйээччилэр.

           Ахтыы киэһэтигэр дьон ахсаана хааччахтанар, киирии ыҥырыы суругунан. Бу кун видеоҕа уһуллубут материал Айыы уолун туһунан видеоэкспонат оҥорорго туттуллар.

Кэлиҥ, сылдьыҥ, ыалдьыттааҥ!!!

Быыстапка үлэлиир кэмэ: 10:00 ч. муус устар 15-21 күннэрэ, а.э. биир эрэ нэдиэлэ устата. Бу түгэни мүччү тутумаҥ!!! Өрөбүл күн эрдэттэн сайаапканан суруйтаран билсэҕит.

Киирии билиэт сыаната: 100 солк. (бу иһигэр Музей «Сахалар музыкальнай этнографиялара» саалатын көрүү эмиэ киирэр)

Биһиги аадырыспыт: Киров аатынан уул. 31 дьиэтэ, (3 этээс).

Билсэр тел: 35-38-84